2 Aydaad 23:3 - NABUWWA KEE MALIKWA

³ Too mari inkih, Yallih Qibaadah-Qaril gaabooweeniih, malikik raaqe Yooqas lih Yalla-kee-xagana haysiten. Tokkel Yoyadaq keenik iyyemii, «Dumî-malikih baxi ah kaana. YALLI dumaak Dawuduh xagana culeh sugeeh, ‹Dawudow, ku reeda baxak baxal raaqele› 'yaanam kaak iyyeh suge. Ta saaku ta num too xaganal malik yakkeemi.

2 Aydaad 23:3 Referans Kwoze

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

2 Aydaad 7:18

ku abbak, ‹Ku reeda baxak baxal raaqeleeh; ku nasab Israayil ummattak abbobti akkele› 'yaanam exceh sugeeh; tohim kaak elle inxicca exce'nnal duuduseyyo.

2 Malikwa 11:17

Sek-Yoyadaq, Malik-Yooqas kee ummatta, YALLIH mara yakkeeni'gidih, YALLA kee ken fanal bica abe. Tonnah kaadu, malik kee ummatta fanal tu'bica abe.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

2 Aydaad 23:16

Sek-Yoyadaq, Malik Yooqas kee ummatta YALLIH mara yakkeeni'gidih, YALLA kee ken fanal bica abe. Sitta fanah xayyossa heeh, YALLIH mara akkeloonumuh Yalla-kee xagana ken culse.

1 Aydaad 11:3

Israayilik saqoltih yan mari toh axcuk Cebroonul kaal yemeete saaku, Dawud kee Israayil ummatak saqoltih yen mari YALLIH foocal xagana tittah culen. Sarrak Dawud yuskuteeniih; usuk tohuk wadir Israayil malik yekke. YALLI dumaak Samuwelik elle iyyeh suge'nnal, Dawud too saaku malik yekke.

1 Malikwa 9:5

anuy ku abbak ‹Ku reeda baxak baxal raaqeleeh ku nasab Israayil ummattak abbobti akkele› 'yaanam exceh sugeeh; tohim kaak elle inxicca exce'nnal duuduseyyo.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

2 Samuwel 5:3

Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.