2 Aydaad 23:1 - NABUWWA KEE MALIKWA

¹ Laca sanat tokket kaa sugseenik lakal, sek-Yoyadaq, «Tahaysa kay qaadak tuk teena abnam tayse» 'yaanam iyye. Sarrak qaskar abbobtik laca num lih bica haysite. Tohumuu, Yaroocám-Qadarya kee Yahoocanán-Ismaaqil kee Yoobád-Qadarya kee Qadaayá-Maqseyaahu kee Dikrí-Alisafat deqsitta qaskar abbobtik ten.

2 Aydaad 23:1 Referans Kwoze

Nacmiya 9:38

Tohuk lakal «Net tikka 'teemik gexxaamah, Israayil ummattak nanuu, titta elle geyne tittin-gey kutbeh haysinnah nan. Too kutbel nek saqoltiiy, Leewih yooboke mara kee seeka firma heelon» iyyen.

2 Aydaad 15:12

Tokkelii, «Tahaysah, YALLAY nanu akak radne ni kaxxa abbobti doorehiyya baguuk aqbudenno» 'yaanam iyyeeniih, too tiyal sittin-gey haysiten.

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.

2 Aydaad 22:12

Qatalya malikáh sugte laca sanat, tokket uqurat kaa sugusse.

2 Malikwa 12:7

Tonna-leemiik Malik-Yooqas, sek-Yoyadaq kee gersi seekah secca 'yeh, «Isin a Qibaadah-Qari akah bicse waytaanam macaay?» keenik iyye. Sarrak kaadu keenik iyyemii, «Tahak wadir Qibaadâ-Qari xayuk akah bica innah, siinil yeceen lakqo isin daanah gabat mahana» keenik iyye.