2 Aydaad 22:2 - NABUWWA KEE MALIKWA

^2-3 Acadya qumrik labaatanna kee nammayhaytot yan saaku malik yekke. Yarusalaam inki sanat malikih suge. Acadya kaadu Malik Acab buxah marih raatat gexe. Toh akah abemii, Qatalya deqsitta barray Malik Acabak baxáh teneeh Malik-Qomri kaadu baxi baxák tenehiyya kaak inah ten. Is uma fayuy Yallak kaa yayxeerehiyya kaa fayisak ten.

2 Aydaad 22:2 Referans Kwoze

2 Aydaad 21:6

Malik Acab kee wohuk kalah tan Israayil malikwak kaxxih, Malik Yahooram uma-taama abak suge. Tohut akah asem, Acab baxá rihimih abiteemi. YALLAL dambi lem baahe.

2 Malikwa 8:26

Usuk malik edde yekkem, karmak labaatanna kee nammayat yan saaku. Yarusalaam magaalal inki sanatih gide malikih suge. Kay ina migaaqah Qatalya deqsitta barrak ten. Isiiy Malik-Acabak baxák teneeh; Malik-Qomri kaadu baxi baxák ten. Malik-Qomri Israayil malikik ten.

1 Malikwa 16:28

Qomril Yallih amri yemeeteeh; Samaariyah magaalal kaa yoogoqen. Kay baxi Acab kay lakal malik yekke.

2 Aydaad 22:1

Duma Qarabak tu takke maritteeta Yuudâ-baaxo warar abte waqdi, Yahooram xaylok Acadya deqsita baxay barah inkih salafat yanihiyyak kalih xaylo inkih qideenih sugen. Tonna leemiik Yarusalaam magaalah mari, kay abbah aracal malikih kaa heen.

2 Malikwa 8:18

Kay barra Acab baxák ten. Usuk Acab buxah marak kaxxih, Israayil malikwa kataatak sugte uma gita kataatak suge. YALLAL dambi lem baahak suge.