2 Aydaad 21:7 - NABUWWA KEE MALIKWA

⁷ Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

2 Aydaad 21:7 Referans Kwoze

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:13

Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

2 Aydaad 22:11

Takkay immay Acadya lih abba le barray migaaqah Yahoosebqa deqsittahiyya ten. Too barra abbaxuk tenem, Yoyadaq deqsita seekik ten. Too barra, Acadyâ-xaylok numuk teenay migaaqah Yooqas deqsitaah qide raareenihiyya kee, inah innal kaa dacrisak sugte barra beyya hayteh, Yallih Qibaadah-Qarih addat xinti-aracal ken hayte. Tokkel kaa tooqoreeh, Qatalyâ-gabat rabaamak kaa waddeh.

2 Malikwa 8:19

Tohuh, YALLI Yuuda bayisam mafaxinna. Toh akah tekkemii, YALLI kay naqasuh yen Dawuduk, «Ku reeda baxak-baxal raaqele ikkal, bayya m'inta» 'yaanam axcuk, tohul xagna kaah culeh yen.

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

1 Malikwa 15:4

Takkay immay YALLI, kay-kaxxa-abba Dawud taagah lab-baxay malik yakku waa kaah yeceeh; tonnah kaadu Yarusalaam saayah xiinise.

2 Malikwa 8:24

Yacooram, Dawud-Magaalak malikwa kee ken mara elle yaaguqen kabri aracal yoogoqen. Kay baxay migaaqah Acadya akak axcuk yeneenihiyya kay aracal malik yekke.

2 Aydaad 23:3

Too mari inkih, Yallih Qibaadah-Qaril gaabooweeniih, malikik raaqe Yooqas lih Yalla-kee-xagana haysiten. Tokkel Yoyadaq keenik iyyemii, «Dumî-malikih baxi ah kaana. YALLI dumaak Dawuduh xagana culeh sugeeh, ‹Dawudow, ku reeda baxak baxal raaqele› 'yaanam kaak iyyeh suge. Ta saaku ta num too xaganal malik yakkeemi.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.