2 Aydaad 21:16 - NABUWWA KEE MALIKWA

¹⁶ YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

2 Aydaad 21:16 Referans Kwoze

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 22:1

Duma Qarabak tu takke maritteeta Yuudâ-baaxo warar abte waqdi, Yahooram xaylok Acadya deqsita baxay barah inkih salafat yanihiyyak kalih xaylo inkih qideenih sugen. Tonna leemiik Yarusalaam magaalah mari, kay abbah aracal malikih kaa heen.

1 Malikwa 11:23

Yalli kaadu Elyadaq baxa Radon, Suleemanak naqboyta abe. Radon lih taamitak yen malikiy Hadad-Qeder deqsitahiyyak kudeh gexe. Hadad-Qeder Xooba deqsita rasih malikik ten.

1 Malikwa 11:14

YALLI, Hadad deqsita numuy Edom dardaarah mare luk yenehiyya Suleemanak naqboyta abe.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Qedra 1:1

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruubeeh; kaadu warkatal too farmo yuktubeh ruube. Toh abaamih fayxi kaat haytem YALLA.

2 Aydaad 26:7

Filistiin-mara kee, Gurbaqal deqsitta magaalal ten Qarab kee, Maquunim deqsita marat abe gaadul Yalli nasri kaah yecee.

1 Malikwa 11:11

kaak iyyeemih, «Atu makkook itta lih haysinne bicih bagul geytime wayteeh, yi amri oggole wayteemih sabbatah, away lito malaakinna kok beyya heeh kok gubal yan numuh acee liyom koh warsah an.

2 Samuwel 24:1

YALLI qagisak Israayil ummatta yinqibeeh, Dawud gabat ken biyaakam faxe. Kaak iyyeemih, «Gexay Israayil kee Yuudah ummattak loowo abaay yakkeenih gide wagit» iyye.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.

Ayyuqel 3:5

Yi dahab kee lakqo kee limo gibdi duyye beyya hayteenih isinni qibaadah qarwah addal hayten.

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.