2 Aydaad 21:13 - NABUWWA KEE MALIKWA

¹³ Ken gita cabba hayteh, Israayil malikwa abak tenem abta. Yuuda kee Yarusalaam magaalah mara Yallak teyxeereh. Malik Acab kee kay lakal malikwa yekke mari Israayil mara Yallak akah yeyxeeren innal, atu Yuuda kee Yarusalaam mara Yallak teyxeereh. Tohut macabinnitoy ku toobokoy kok aysuk tenehiyya qidde.

2 Aydaad 21:13 Referans Kwoze

2 Aydaad 21:4

Yahooram isi abbootan maqar bahsiisek lakal, lab-tooboko inkih kee Israayilil abbobtih yen marak tu takkem qidsiiseh.

2 Aydaad 21:11

Yuudâ-rasuk fayya le baaxol, Yalla maleela xeet kee coox elle taqbude arooca bicse. Yuuda kee Yarusalaam magaalah ummat, Yallih garil dambik keenil loowintu waytaamat asise.

2 Aydaad 21:6

Malik Acab kee wohuk kalah tan Israayil malikwak kaxxih, Malik Yahooram uma-taama abak suge. Tohut akah asem, Acab baxá rihimih abiteemi. YALLAL dambi lem baahe.

Cabakkuk 2:12

Sahdak caxxan qabala kee abtan uma-taamat magaala xisa maraw, woyyow siinit takku waytaamow!

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

1 Malikwa 16:25

Qomri YALLAL dambi lem baaheeh; kaak foocat sugte malikwak inkih lafita dambit asak suge.

2 Aydaad 21:14

Tohuk gexxaamah YALLI ku maraay ku xaylooy ku agabu kee edderri hayteemil bala oobisele.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.