2 Aydaad 20:9 - NABUWWA KEE MALIKWA

⁹ Xisen waqdi iyyeenimihii, ‹Digaalah carbi net yekkek, dalkay sahdat taban-tabtahiyya nee tibbixek, hinnay kaadu, qulul nel rade yekkekii, a Qibaadah-Qariy koo elle yaqbudeenihiyyah foocal solla inneh dooqa abenno. Gadaama nee tabbixe saaku koo kallacitnek, atu woo kallaci neh oggolettooh, nee wadetto› 'yaanam iyyen.

2 Aydaad 20:9 Referans Kwoze

2 Aydaad 6:20

A qarik bar kee loqo amo akak wagit. A qaril «Yoo aqbudeloonu» 'yaanam inteh teneeh; tonna kinnuk, anu a qari fan ufkunna exceh abah an dooqa yok raabit.

1 Malikwa 8:33

«Atu isi mara abte Israayil ummatta kol baahen dambik gexxaamah, naqboytit keenik tiysiise koo tekkek, oson toh ubulla heenih kol yuduureeniih, ta Qibaadah-Qarih fan amma 'yeenih koh rammitta axcuk, ‹Yallaw, abneh nan dambik qafu neh ab› axcuk, dooqa abeenik,

1 Malikwa 8:37

«A baaxol qulul rade kee, dalkay numuk numut tabtahiyya sinaamat rade kee, tooboke daro orongoobitiiy caaco bayse kee, qanayti sele yekkek, naqboytit qeebih magaala keenik marot haytek, biyak ken yabbaxuuy, gibdaabina keenil lem keenit tikka 'tek,

2 Aydaad 20:8

Akkel dabaaqah gaceeniih, koo elle yaqbudeeni'gidih ku Qibaadah-Qari xisen.

Qedra 10:1

Qedra baaxok bagul afah radda 'yeh, Yallih Qibaadah-Qarih foocal aben umaanet yaabakaay, weeqak dooqa abak suge waqdi, Israayil ummattak labha kee agabu kee urruk mangom xaqul kaak gaabowwa 'yeenih kaxxam weeqen.

1 Malikwa 8:30

Yooy ku naqasuh yanihiyya kee ku mara ta Qibaadah-Qari fan ufkunna inneh abna dooqa nek raabit. Qaraanay ku dabqih yanihiyyak ni kallaci oobbeyaay, abne dambih qafu neh ab.

2 Aydaad 6:5

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.