2 Aydaad 20:6 - NABUWWA KEE MALIKWA

⁶ anay fayya haak dooqa abe. Dooqah iyyeemih, «YALLAW, nanu akak radne ni kaxxa abbobti doore Dageltaw, qaraanal cokmi lem kooy; inkih yan baad xiinissam koo. Qande leeh cayla le Dagelta kinnitooh; kot missowtaah koo aleltam matana.

2 Aydaad 20:6 Referans Kwoze

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

Yoosuwa 2:11

Woh noobbe waqdi meysih afqado nel dub inte. YALLAY sin Dagelta kinnihiyya qaran kee baaxo inkih xiinisam aaxigeh.

1 Aydaad 29:18

YALLAW, ni kaxxa abbobtih yen Abraahim kee Iscaak kee Israayil elle aamanuk sugte Dageltaw, a saaku lino meqe niya kulli way isi marih afqadot haay. Ken afqado koo fan hayisay.

2 Aydaad 20:5

Too magaalal YALLIH Qibaadah-Qarik qusbih bicsen daaratal gaaboowen. Malik Yacoosafat gaaboowe marih foocal solla 'yeh,

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.

Yasaqya 14:27

YALLAY Nabaamak Nabahiyya taham abaamal gaba kaleeh; ummatta edde digaalu waa gaba fakeh immay, aham abe kaa kaltam matan.

1 Malikwa 8:30

Yooy ku naqasuh yanihiyya kee ku mara ta Qibaadah-Qari fan ufkunna inneh abna dooqa nek raabit. Qaraanay ku dabqih yanihiyyak ni kallaci oobbeyaay, abne dambih qafu neh ab.

2 Aydaad 5:14

YALLIH nabna yaybulle noori, inkih yan qarik adda ifissa heemih sabbatah, seeka isinni taama abtuh, adda culaanam maduudinnon.

2 Aydaad 6:14

Dooqah iyyeemih, «YALLAW Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.