2 Aydaad 20:21 - NABUWWA KEE MALIKWA

²¹ Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Aydaad 20:21 Referans Kwoze

2 Aydaad 5:13

Yakkeenimiik inki adda akkaquk YALLA saarisan waqdi, *baanta kee giyaagib kee, wohuk kalah tan duyyey saareh yaagureenihiyya luk aagaruk aben. YALLIH saareh iyyeenim, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk Yalla faylisen. Too waqdi, garciik qamburre YALLIH Qibaadah-Qarik adda inkih bulteh.

1 Aydaad 16:34

YALLI maqaane lek, candu kaah gacisa! YALLIH-kacni mayambaxak, tohul candu kaah gacisa.

1 Aydaad 16:29

YALLIH-migaaqay nabna let yaaba. Sadgat baahay, YALLIH-qarih ama. Kudduusuk yan YALLI yambullee way, kaa essekexxeyay gommoh kaah rada.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

Nacmiya 12:27

Yarusalaamat maroh ten gasoy tiddigilleh sugtehiyyah xisnek gaba kalen saaku, Leewih yooboke marah seeco aben. Keenih akah seeceenim, ruffa axcuk edde asaana'gidiiy, Yallah candu edde gacsaana'gid kee Yalla edde saarisaana'gidik ten. Too saarel, kirar kee begenaay giyaagib aagaruk Yalla saarisak, candu Yallah gacsen.

1 Aydaad 16:41

Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

2 Aydaad 30:21

Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.