2 Aydaad 20:2 - NABUWWA KEE MALIKWA

² Farmoh sinam temeeteeh, Yacoosafatak iyyeenimih, «Kaxxam mango qaskar Edom baaxok Rabe badih tattabak gacca 'yeenih qeebi siinit abaana'gidih yemeeteenih yanin. Caxaxon-Tamaari deqsitta magaala gufeenih» kaak iyyen. Ta arac kaadu Qengeedi migaq luk suge.

2 Aydaad 20:2 Referans Kwoze

1 Samuwel 23:29

Dawud tohuk lakal Qengeedi deqsita rasu fan gexeeh, tokkel amô-reebu le aroocal uqurat suge.

Yoosuwa 15:62

Nibsan kee Qasbo-le-Magaala kee Qengeedi deqsitta lica magaala kenim tekke. Tohuk kalah woo magaaloolih dariifal sugga 'te gaandoodi kaadu kenim tekke.

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Yacedkel 47:10

Rabe Badak Qengeedi raceynak xabba haanamaay Qen-Qeglayim raceynah amma 'yaanam yakke badal, kullum yabbixe mari baddi-af macaba. Akke kullum mabbuuxuh yamaate mari sabooka elle hawwalisa ikke akkele. Kullum qaynatak Maditraaniyah badal enna 'ya qaynatih kullum akkele.

Yacedkel 48:28

Gaadah yeceen baaxoy gabbi qaxat raqtahiyyak cuduud Tamaarik xabba haanamaay Kaadis-Mariiba deqsita illaltah amma 'yaanam takkeeh, tokkek Masri cuduudul yan daqar gexxa 'yam kee Maditraaniyah badah amma 'yaanam takke.

Yacedkel 47:19

«Gabbi qaxat raaqa cuduud akak qimbisam, gabbi-qaxat raaqa Tamaari deqsita araca. Tokkeek Kaadis-Mariiba deqsita illalta kee Masri cuduudul yan daqaarah amma 'yaanamaay Maditraaniyah bad fan yakke.