2 Aydaad 20:1 - NABUWWA KEE MALIKWA

¹ Ayrok teena Mooyab kee Qammon qaskar Maquunim deqsita maray qalla lih luk yeneenihiyya lih gacca 'yeenih, Yuudâ-rasu wararen.

2 Aydaad 20:1 Referans Kwoze

Ermiyaas 10:24

Tonna'mmay YALLAW, isi mara umaanek gacis. Abba hannaanimil nee makataatin. Bagcarritta waqdi digaalak nee cat. Abba hannaanimil nee katatteeh, bagcarritta waqdi nee digaaltek, wonnal baatik sa qamballam mannu.

Yasaqya 16:6

Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

2 Aydaad 32:1

Ciskiyyaahu Yallah ahim baguuk abak sugek sarra, Assuuriyah malikiy Sanceerib deqsitahiyya Yuudâ-rasu warare. Gaso maroh edde ten magaaloolit maro hayya heeh sarrak, qaskarak, «Woo magaalat maroh tan gasoosak iggilaay addah cula» iyye.

2 Aydaad 19:11

Kaxxa seekih yan sek Amarya diini qaada wagga haytaamak abbah siinik yan. Yuudâ-kedoh abbah yan Ismaaqíl-Dabadya ayyunta wagga hayta qaadak tu edde taadee saqalah siinik yan. Leewih mari yekke cokmi abinal asem kee ase weem wagita marah yanin. Tonna'mmay tahaysa niya siinik salace ikkal ta taama digga luk abtaanama; YALLI cakkih taamita mara lih siinik yanay» keenik iyye.

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

2 Aydaad 19:5

Yuudâ-magaalooliy gaso maroh edde tanihiyyak kulli magaalal cokmaaba hee.

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

1 Aydaad 4:41

Ciskiyyaahu Yuudâ-malikih yen dabaanal, Simqaan-kedoh-abbobti too baaxo temeeteeh; Caamak rade maray isi siraaqat elle sugeenihiyyat qeebi aben. Maquunim deqsitak yen marat kaadu qeebi aben. A saaku fanah elle tablen innah, too mara inkih selli heen. Sarra too baaxo meqe qayso luk sugteemih sabbatah tokkel gacen.

2 Aydaad 20:10

«A saaku hay, Qammon kee Mooyab kee Edom mari titta geyya heeh qeebi net abah yan. Nanu akak radne ni kaxxa abbobti Masrik tewqeeh akke temeete saaku, too marih baaxol culaanam oggolteh masuginnito. Ni kaxxa abbobti dariifa keenik gacca 'yeenih gexeeniih immay ken mabaysinnon.

2 Aydaad 26:7

Filistiin-mara kee, Gurbaqal deqsitta magaalal ten Qarab kee, Maquunim deqsita marat abe gaadul Yalli nasri kaah yecee.

Ermiyaas 49:1

Qammon giddinaamak YALLI iyyem ah teeti. «Milkom deqsittam yaqbude maray Qammonuh yooboke, Israayilik Gaadah yooboke marih baaxo beyya heenih, ken magaaloolil isinnih akah gacaanam macaay? Israayil mari, is nagartu wayta xaylo maay waa?

2 Aydaad 14:8

Sidooca boolih alfi qaskariitay Yuudah yoobokehiyya luk yeneeh; yakkeenimiik gob kee macaxu tikiyah luk yenen. Benyam kedoh yooboke marak kaadu namma bool kee bacra-tabanih alfih qaskariita luk yeneeh; silaacah gob kee gaysê-baxa luk yenen. Yakkeenimiik nagay tan qaskaray baritto kee agiirinna lehiyyak yenen.