2 Aydaad 2:16 - NABUWWA KEE MALIKWA

¹⁶ Lubnaan qaleelal yan sariida kee gersi cooxuk atu faxxa haytah gide irgiqqi heenih koh ruuba, axceyyo. Too coox tittat uxuyya heenih damâ-gurral badal akah tamaate innah abelon. Yaffâ-magaala fan badal koh amaatele. Tokkel matarra akah inteenih, tokkeek Yarusalaam fan ku mari beele» 'yaanam raddih kaah ruube.

2 Aydaad 2:16 Referans Kwoze

Yoosuwa 19:46

Meyarkon kee Rakkon kee Yaffa deqsitta baaxol enna 'ta arooca inkih kenimi.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Yoosuwa 9:27

Takkay immay naqoosa ken abe. Israayil mara kee YALLAH sadgat elle aban aracih bocô-diglo kee leê-weerot ken hee. Oson a saaku fan YALLI isi qibaadah doore aracal too taamat yanin.

1 Aydaad 22:2

Ayrok teena Malik Dawud allî-baaxoh maray Israayil addal yanihiyya inki aracal gaaboyseeh, aboonu waan taama keenil yecee. Too marak garab Yallih Qibaadah-Qari edde xisoonu waan xeetih bicat hee.

2 Aydaad 8:7

Suleeman, a xisne edde absiisem, duma too baaxol suge maray Israayil mari bayse weehiyyak rade marak ten. Too mari migaaqah Ciita kee Amoora kee Fariida kee Ciiwi kee Yabuusa deqsitta kedoodah yaabuke marak ten. A saaku fanah, Israayil mari too marak rade mara naqoosah tamsiisa.

2 Aydaad 30:25

Tonna-leemiik Yuudah ummattaay seekaay Leewî-maraay kilbat le kabuk yemeete mara kee gersi baaxoh maray Israayil kee Yuudâ baaxol dabqih yenehiyya inkih ruffu iyyen.