2 Aydaad 19:7 - NABUWWA KEE MALIKWA

⁷ Cokmi abtan waqdi, YALLIH meysi taalleenimi; abtan cokmi cubbusak abtaanama. Macaay inteenik, YALLAY ni Dageltah yani cokmil sinam yadlumeenim kee, isinnih akah faxen marah iyyaanam kee, guqul beyaanam maqansiisa» 'yaanam keenik iyye.

2 Aydaad 19:7 Referans Kwoze

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Nacmiya 5:15

Yok duma sugte abbobti ummattal kaxxa quuka hayteh teneeh; maaqo kee qinab kamri keenik beenih, wohuk amol fula ummattak ayrol morootom garsi beyak sugen. Keenik gubal taamita mari kinni way ummatat umuk sugen. Anu Yallih meysi luk eneeh, ken innah yan numuk mananniyo.

2 Samuwel 23:3

Israayil doore Dagelti yaabeeh ken dacrisa Dagelti yok iyyeemih, ‹Qadaalat ummatta xiinisaah Yallih meysit xiinisa malik

1 Samuwel 11:7

Sarrak namma awur bahha heeh exxa-exxah kuramkurra hee. Tohuk lakal farmoh ruube marak, «A exxaaxi inkih tan Israayil baaxoh mara fan beyaay; ‹Samuwel kee Saawul lih gaaduh gexe wayu waa numih awurwat tama'nnah tanim akkele'mmay, maraaqina› keenik inxica» iyye. Tohuk lakal YALLI Israayil marat cunxo ruubeeh; too meysih num keenik maraaqinnay, yakkeenimiik inkih yemeeten.