2 Aydaad 17:9 - NABUWWA KEE MALIKWA

⁹ YALLIH xinto elle tan kitab gabat hayya heenih, inkih tan Yuudah magaalooli fanah gexak, ummat barsen.

2 Aydaad 17:9 Referans Kwoze

Yasaqya 8:20

Too waqdi keenik intaanamah, «YALLI siinik iyyem abay kay farmo ankacisa» keenik inxica. Ta qangara cina maral, maaci mamaacisa.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

2 Aydaad 35:3

Tonnah kaadu, Leewih yooboke maray YALLIH garil taahirik yan mara kinniih Israayil ummat Yallih diini barisak yenehiyyah a taama elle aban inna warse. Keenik iyyeemih, «Yallih Qahdih Sandug, Suleeman xise Yallih Qibaadah-Qarih addal haa. Tahak wadir a sandug aracaak arac quukah mabena. Takkay immay, YALLAY sin Dageltah yani kee Israayil ummatay kay marah kinnihiyya ukduma.

2 Aydaad 15:3

Mango dabaanah Israayil mari nummâ-Yallak yexxeereenih sugeeniih, kay xintok kaadu yexxeereenih sugen. Kay xinto ken barissa seeka luk masuginnon.

2 Aydaad 19:8

Yarusalaam addal Yacoosafat Leewih yooboke mara kee seeka cokmaaba reedise. Tohuk kalah, baaxô-xaylok tu takkem cokmaaba abe. Too reeda keenih akah yeceemii, YALLIH xinto intam abe cinee kee, hinnay kaadu, magaalah addal yan marak titta waa mari yenekii, yab keenih abaana'gidih ken hee.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.