2 Aydaad 16:7 - NABUWWA KEE MALIKWA

⁷ Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

2 Aydaad 16:7 Referans Kwoze

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

1 Malikwa 16:1

YALLI, Canaani-baxa-Yaahu lih yaabeeh, Malik Baqsa iyyu waam farmoh kaal ruube.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

2 Aydaad 20:34

Ahak kalah taniimiy Yacoosafat malik tikka 'yeemiy rabba 'yem fanah abba heehiyya, Canaaní-Yaahuh Aydaaday Israayil Malikwah Aydaada deqsita kitaabak exxak teenah yanihiyyal geytima.

2 Aydaad 13:18

Too qeebil Yuudâ mari kaxxa nasri geeh; too nasri akah geenimii, YALLAY ken kaxxa abbobti doorehiyyal imaan heenimik ten.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

2 Malikwa 18:5

Ciskiyyaahu YALLAY Israayil doore Dageltah yanihiyya yeemeneeh; Yuudâ-rasi kay innah yan malik duma luk masuginnaay, sarra kaadu kay lakal magenna.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

1 Malikwa 15:19

Afti farmoh ruubeemiih, «Duma ni abbobti qalla luk sugteeh; tonna'mmay ahaysa koo kee yoo ni abbobtik kaxxih qalla haysinnaama. Ama dahab kee lakqo mattacoh koh ruubah an. Tonna'mmay, Malik-Baqsay Israayil malikih yanihiyyah qaskar yi baaxok akah tawqe innah, kaa'lih lito qalla kaak targiqeemi» 'yaanam farmoh kaah ruube.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

2 Aydaad 16:6

Baqsa gexek sarra, Aasa inkih yan Yuudah rasul tan ummattah seeco abba heeh, Baqsa Raamâ-magaalat maro haa'gidih baaheh suge xeet kee coox weerra heeh; sarrak Gabaq kee Mixfa deqsitta namma magaalah gaso maroh edde xise.

2 Aydaad 24:24

Suuriyah qaskar Yuudâ-qaskarak daguk tene'mmay, YALLI makkok keenik ken yiysiiseh. YALLAY ken kaxxa abbobti aqbuduk tenehiyya toh keenik akah abem, kaa cineemih sabbata. YALLI, Malik-Yooqas tonnal digaale.

Yasaqya 39:3

Sarrak nabi-Yasaqya Malik-Ciskiyyaahu fan yemeeteeh, kaak iyyemii, «Too mari akak yemeetem ankeey, kok iyyeenim macaay?» kaak iyye. Ciskiyyaahu iyyemii, «A mari yi fan akak yemeetem, xer baaxoy Baabelon deqsittahiyya» iyye.

1 Malikwa 16:7

Too farmo YALLI, nabi-Yaahû-gabat Baqsah akah ruubeemik naharsitto: YALLIH garil uma taamat asakaay, YALLIH naqabu isil oobisak sugeemih sabbata. Tonnal Yarobqam abak suggu 'ye umaane abak suge. Nammayhaak kaadu, YALLI a bis le umaane kaal akah baaheemik sabab, Yarobqam-buxah-mara qideeh saabo ken cabsiise.

2 Aydaad 20:32

Kay abba Aasak kaxxih, YALLIH garil cakkik tan taamah taamitak yen.