2 Aydaad 16:6 - NABUWWA KEE MALIKWA

⁶ Baqsa gexek sarra, Aasa inkih yan Yuudah rasul tan ummattah seeco abba heeh, Baqsa Raamâ-magaalat maro haa'gidih baaheh suge xeet kee coox weerra heeh; sarrak Gabaq kee Mixfa deqsitta namma magaalah gaso maroh edde xise.

2 Aydaad 16:6 Referans Kwoze

Zakariyya 14:10

Gabaq deqsita aracay kilbat le kabut raaqak xabba haanamaay, Rimmon deqsita aracay gabbi le qaxat raaqahiyyah amma 'yaanam fan booxa akkele. Yarusalaam magaala dariifal teetik tan baaxok fayya axcuk raaqele. Magaalak exxa Benyam-Culma deqsitta afak xabba haanamaay, duma magaala akak culak sugen af elle suge arac fan gexak, Rukni-Afah deqsita arac fan gufele. Sahda akak yabloonuh xisen Cananal-Qariy amo-xeerik, malik buxah marih qinab kamri axmuumuk elle bicisak yenen arac fan gufele.

Yasaqya 10:29

Qaleelak tabeena tatreenih gexeeniih; «Bar xiinih Gabaq deqsita arac orbenno» iyyan. Raamâ-magaalal suge mari wariggiteeh; Malik-Saawul-magaalay Gibqa deqsittal suge mari kude.

2 Aydaad 21:17

Too mari Yuudâ-baaxo warareeh malik qari buuben. Malik gennaaqoh agabu kee lab-xaylo seewah kaak orbisen. Raqtem dibuk kay xaylok barah inkih qunxuk yen awkay migaaqah Acadya deqsitahiyya.

1 Aydaad 6:60

Wohuk kalah kaadu Benyam-kedo luk sugte baaxol, Gabaq kee tet dariifal tan lacti malaalah baaxo kee, Qalemet kee tet dariifal tan lacti malaalah baaxo kee, Qanatot kee tet dariifal tan lacti malaalah baaxo keenih yeceen. Sittat taban kee sidoc takke magaalooli Haaruunuk rade marah yeceen.

1 Malikwa 15:22

Tohuk lakal Aasa, inkih yan Yuudah rasul tan ummatak num raaqe'kal, «Baqsa, Raamat maro haa'gidih baaheh suge coox kee xeet wokkek kala» 'yaanam iyyeeh; too xeet kee coox tokkek kaleenih. Too duyyet Benyam rasul ten namma magaalay Mixfa kee Gabaq deqsitahiyya edde maren.

1 Samuwel 10:17

Samuwel, ummattah inkih Mixfa deqsita aracal, YALLI iyyem ankacisaana'gidih, seeco abe.

1 Samuwel 7:16

Kulli sanatal Beetal kee Gilgal kee Mixfa fan gexak sugeh, too baaxooxal titta waak suge mara bicisak suge.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.

Yoosuwa 15:38

Dilqan kee Mixfa kee Yoktaqel kee

1 Malikwa 15:16

Kaa kee Israayil malikih yen Baqsa deqsita num abbootanal suggu 'yen sanat inkih, qeebi tittat abak sugen.

2 Aydaad 16:5

Malik Baqsa a xaagu yoobbe waqdi, Raamâ-magaalay maro edde haak sugehiyya fanak cabe.

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

Ermiyaas 40:6

Tohuk lakal Ermiyaas, Acikám-Gedalya fan gexeeh, tokkel baaxol raaqe mara lih yeede. Gedalya, Mixfa deqsita aracal suge.