2 Aydaad 16:10 - NABUWWA KEE MALIKWA

¹⁰ Malik Aasa toh kaak iyye waqdi, nabam yinqibeh. Too waqdi, «Silsilatat kaa uxuya» iyyeeh kaa casbiseh. Too ayrok wadir sinaamak garabal umam baaha num yekke.

2 Aydaad 16:10 Referans Kwoze

2 Aydaad 18:26

Keenik intaamah, ‹Malikii, «Anu amaanah uduurra axcem fanah tama num casbit sugusaay, dago maaqo kee leek biso kaah maacina» siinik iyye› keenik inxic» kaak iyye.

Ermiyaas 51:34

Yarusalaam mari iyyeemih, «Baabelon malik nee bayseh saabo nee cabsiise. Magaala suge wayteh innah hee. Nee bayseh, Yarusalaam lee akak fuuqen gacla abe. Gawi sinam elle yanxuqe innal, sinam nee tunxuqe. Isih faxem nek beeh, wohuk raqtem baaxot nek qide.

Ermiyaas 29:26

«Xafanyaw, YALLI Yoyadaq aftok, isi-Qibaadah-Qarih addal seekak abba koo abe. Tonnah yan numuh elle tani'kkel tibba intam koo maceltaay; cabuliy nabi kinniyo iyyahiyyak iba kee gaba namma-caxxih fanat uxuyya heenih, fillat kaadu birti silsilat kaak yaxeenim kol tan.

Ermiyaas 20:2

«Qibaadâ-Qarih daaratak Benyam Afa deqsita aracak daga le kabut raqta'kkel, gaboobi kee ibitte kaak namma caxxih fanat uxuyya haay kaa ugura» 'yaanamal amri yecee.

Yasaqya 51:23

Siinit xukkutak suge mari woo kobbaayak aaqubele. Woo mari, ‹Siinit taqqa inna'gidih baaxô-bagul inaaqita› siinik iyye waqdi, isin guddaafay ibah edde yaaqiteenih inna tekken. Tohih sabbatah, yok naqbi-kubbaayat aaqubelon» 'yaanam iyyah yan.

2 Aydaad 26:19

Toh kaak iyyen waqdi, Quddiyya Qibaadâ-Qarik qaydarus elle qeerisan mansafal xaqul soolak yeneeh, qaydarus elle qeerisan girgira gabat abbaxuk yen. Seekay toh kaak intehiyya yinqibeeh; tonna-leemiik, too waqdiik qansal kaak kaxxam gibdi biyaakay arab yakmehiyya kaak yewqe.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

2 Samuwel 12:31

Magaalal suggu 'ye mara yeyyeeqeeh, miisaar kee maataka kee godmat daadur bicisa keenik iyyeh ken dirkise. Raqqa 'te Qammon marih magaaloolik kaadu toh abe. Tohuk gaba kalla hee waqdi, kaa kee kay mara Yarusalaam fan tuduure.

2 Samuwel 12:13

Too waqdi Dawud nabi Naatanak iyyeemih, «Anu nummah YALLAL dambi baahe» iyye. Sarrak Naatan annah iyye. «YALLI dambik qafu koh iyyeh raba mabta.

2 Samuwel 11:4

Too waqdi Dawud tet baahu waa mara ruubeeh, woo mari gexeh tet baahe. Tohuk lakal Dawud fido teetit faxe. Isiiy wasaktuk too waqdi kaqalteh sugteh. Sarrak isi buxah gexxe.

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

2 Aydaad 16:11

Aasa reedda 'yeemiy rabba 'yam fanah abba heemii, ‹Yuuda kee Israayil Malikwah Aydaada› deqsita kitaabih addal tan.

Ermiyaas 26:21

Malik Yahoyaakim kee kay gubal yan mari usuk iyyem yoobbeeh, tohuk gexxaamah too malik kaa qidam faxe. Uriyya malik kaa qidam faxam yoobbe waqdi meysiteeh, Masri fan kude.

Ermiyaas 37:15

Too mari toh yoobbe waqdi, kaxxam yinqibeeh; kaa yuysugureenik lakal, kutbe-abeenah yen Yonaatan deqsita numih qariy casbi buxah heenihiyyah addat kaa heen.

1 Malikwa 13:4

Malik-Yarobqam toh yoobbe waqdi, «Ama num ibbixa» iyyeeh, gaba kaa fan yescesse. Nabi-fanah-ruube-gaba too waqdiik kaffa kaak inteeh xambaqime cinteh.