2 Aydaad 15:8 - NABUWWA KEE MALIKWA

⁸ Aasa a nabi edde yaabe yab yoobbe waqdi, niya kaat gacteeh; tonna-leemiik Efrayim rasuk qaleela le aracal tan magaalooliy qeebit yibbixe kee, Yuuda kee Benyam rasul sugga 'te duyyeeyay gabak bicissa heenih aqbuduk sugeenihiyya wonnah baaxot qide. Sarrak YALLIH Qibaadah-Qarih daaratal suge mansafay YALLIH sadgatah saqa elle asguuduk sugeenihiyya yuqusbuuse.

2 Aydaad 15:8 Referans Kwoze

2 Aydaad 13:19

Abiyya Yarobqam qaskar lakak ayradduk xiiriyya ken hee. Yarobqam abbootanah amol akak yen magaaloolik tu takkem yibbixeh. Tohumuu, Beetal kee Yasaana kee Qefron kee too magaaloolih dariifal ten gaandoodik ten.

2 Aydaad 8:12

Suleeman YALLAH sadgat elle aban mansafay Qibaadâ-Qarik foocal bicseh yenehiyyak bagul, cado-akak-carrisan-sadgoota YALLAH abak yen.

2 Aydaad 4:1

Tohuk kalah kaadu nacaasak sadgat-elle-aban-mansaf bicseh yen. Too mansaf xexxaarah labaatanni cusul akkuk yen. Baguh kaadu labaatanni cusul akkuk yeneeh, fayyah kaadu tabna cusul akkuk yen.

Yacedkel 8:10

Adda culeh wagte waqdi, gidaarak bagul Israayil mari yaqbude duyyeh tasaawiriiy, caraamak tan alluwwa kee, kalah kaadu, garbah baaxok bagul gexxa alluwwah tasaawir uble.

Ermiyaas 16:18

Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.

Yasaqya 65:4

Bar gablah addat xiinaanaah; kabaarah amol dooqa aban. Ceray cado adoobitaanaah; nadaasa leh yan marákak yaaquben; 'kak adoobitan. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Yasaqya 44:14

Too ceelo akak bicsaanam *sariidak yirgiqen caxxa akkiiy, *sublaytok yirgiqen caxxa akkiiy, wonna hinnay, saagantok bicsen caxxa akkek bicsan. Duyye bicsa num woo caxa doorru haah, meqe'nnal tambem fan qambaala. Ta cooxuy yaqbuden ceelo akak bicsaanahiyyak garabak naharak dariyyu qidda heenih taabukem fan qambaalaanam takkeh.

2 Aydaad 29:18

Leewî mari Malik Ciskiyyaahuk iyyemii, «Inkih yan YALLIH Qibaadah-Qari taahirrosne. Sadgat elle aban arac kee edde aban duyye kaadu taahirrosneh. Tonnah kaadu, taahirroysen-gaqambo elle haan miiz kee elle xayyoosan duyye taahirrosne.

2 Aydaad 19:11

Kaxxa seekih yan sek Amarya diini qaada wagga haytaamak abbah siinik yan. Yuudâ-kedoh abbah yan Ismaaqíl-Dabadya ayyunta wagga hayta qaadak tu edde taadee saqalah siinik yan. Leewih mari yekke cokmi abinal asem kee ase weem wagita marah yanin. Tonna'mmay tahaysa niya siinik salace ikkal ta taama digga luk abtaanama; YALLI cakkih taamita mara lih siinik yanay» keenik iyye.

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

2 Malikwa 18:22

Qagseh kaadu keenik iyyemii, « ‹Amo elle meqinom, YALLAY ni Dageltah yani› yok inteenik, Ciskiyyaahu, Yuuda kee Yarusalaam marak, ‹Yalla dibuk Yarusalaamal yan sadgat aracal uqbuda› inxicca 'yeh, wadirih fayya-le-aroocal heen qibaadah-qarwa kee sadgat-arooca akak yiggilem YALLA kinnim hinnaa?

2 Malikwa 16:14

Dumaak YALLIH qibaadah qiden sadgatah heenih sugen aracay nacaasak bicseenihiyya, YALLIH Qibaadah-Qarik foocal, qusba sadgat arac kee Qibaadâ-Qarik fanal gace. Sarrak tokkek kalla heeh, isih xise qusba aracak kilbat le kabut hee.

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

2 Aydaad 17:2

Isi qaskar Yuudâ-magaalooliy gaso maroh edde sugga 'tehiyya kee Yuudâ-rasuk barrih tan baaxol bicat hee. Tonnah kaadu, kay abba Aasa Efrayim rasuk qeebit yibbixeh suge magaaloolil kaadu qeebi abtu wayta qaskar bicat hee.

2 Aydaad 19:4

Malik Yacoosafat dabqah Yarusalaamal yene'mmay, inki aracal maadayinnay ummattah adda gexam gexak yen. Gabbi-qaxak Bersabaq magaalak xabba haanamaay kilbat le kabuk Efrayim rasuk qaleela mango aracak ragidih amma 'yaanam tan baaxo fan fiiruk geerah safarak suge. Elle gexaamal ummatak, «YALLAY isin akak radden sin kaxxa abbobti doorehiyyal uduura» axcuk ummatah seeco abak suge.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.

1 Malikwa 15:9

Israayil malikih yen Yarobqam malik yekkeemih labaatanni sanat yekkek sarra, Aasa Yuudak malik yekke.