2 Aydaad 15:7 - NABUWWA KEE MALIKWA

⁷ A saakuh tu gactek, agiira takkeenim siinil taniih; niya siinik baxaqe waytaama. A saaku abtan taamah galto Yallak geetton» keenik iyye.

2 Aydaad 15:7 Referans Kwoze

Yoosuwa 1:7

«A taamal digga xicaay, abba haytaamal agaagul akak cabba haay dudda luk ab. Yi naqasuh yen Muusa koh warse xinto intam inkih oggola num tik. Teetil enna 'taamak tu cabe'kal duudusaay; tonnal gexinnaan ikkel kullim gabal kok bicele.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

Ruut 2:12

Atu abteemih galto YALLI koh yacaay; catoh elle temeete YALLAY Israayil ummatta doorehiyya dudda le galto koh yacaay» teetik iyye.

Daaniyel 10:19

Too waqdi yok iyyeemih, ‹Yalli kaxxam koo kicnahak, atu tuk mameysitin. Yallih nagayna ko'lih tanayak, niya haysitaay digga inxic› yok iyye. Usuk ah iyye waqdi anu nagay ekkeh; kaak exceemih, ‹Intam faxxam inxicey, away nagay yoo abtek› kaak exce.

Yoosuwa 1:6

Anu sin kaxxa abbobtik, ‹Siinih aceeyyo› axcuk xagana keenih akah culeh suge baaxo tabbaxoonu waytan saaku ken abba akketto'mmay, a taamal digga xicaay agaagul akak cab» kaak iyye.

Yoosuwa 14:14

Too magaala ta saaku fan Kaalibik rade mari ikoytah leeh; Kaalib YALLAY Israayil doore Dagelta kinnihiyyal baguuk kibaal heeh kay yab digga luk duuduse numuk yeneemih sabbatah, YALLI ta magaala ikoytah kaah yecee.

2 Aydaad 19:11

Kaxxa seekih yan sek Amarya diini qaada wagga haytaamak abbah siinik yan. Yuudâ-kedoh abbah yan Ismaaqíl-Dabadya ayyunta wagga hayta qaadak tu edde taadee saqalah siinik yan. Leewih mari yekke cokmi abinal asem kee ase weem wagita marah yanin. Tonna'mmay tahaysa niya siinik salace ikkal ta taama digga luk abtaanama; YALLI cakkih taamita mara lih siinik yanay» keenik iyye.

2 Aydaad 32:7

«Abtaanamal digga 'xicaay agaagul akak caba; Assuuriyah malik kee usuk miraacisa qaskarak mameysitinaay niya haysita. Kay qaxat yan marak ni qaxat yan mari qandeh yayse.

Ermiyaas 31:16

Raaceley, ahaysa maweeqinay ximo isik dug. Atu isi xayloh abteemih galto gee'kal maraqtak ximo isik dug. Away elle yanin naqboytiitih keenik yan marih baaxok awqelon.

Zakariyya 8:9

«Yi Qibaadah Qari nammeyhaak xisoonuh rakiibô-xaa heen saaku, nabuwwa sin lih edde yabteh sugte yab a saaku nammey haak yaabbe maraw, agiira takkeenim siinil taniih, niya siinik fayya 'tay. Tah intam yoo YALLAY Nabaamak Nabahiyya.