2 Aydaad 15:2 - NABUWWA KEE MALIKWA

² too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 15:2 Referans Kwoze

2 Aydaad 24:20

Sarrakaa, seekik raaqe baxay Zakariyya migaq luk yenehiyyal Yallih Roocaaniyya obte. Too sek sinam kaa elle table ikkel solla 'yeeh, anay fayya haak, «YALLI siinik iyyaamah, ‹Ummatey, yi amri akah cintaanaah bala isinnil akah oobissaanam macaa? Yoo cinteeniih anu kaadu sin cineh› siinik iyyah yan» iyye.

2 Aydaad 15:4

Takkay immay gadaama ken tibbixe saaku kaal yuduureeniih, YALLAY Israayil doore Dagelta kinnihiyya fan niya haysiten. Kaal yuduureeniih, kaa geen.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Aydaad 15:15

Too ayro gaabowwa 'ye mari, inkim axcuk ta tiyal isinni afqadook titta geenimih sabbatah, kaxxam ruffa iyyen. YALLA yaqbudeenim kaxxa rufto keenil tekkeeh; YALLI oson aban qibaada keenik raabiteh. Tonna-leemiik elle yanin baaxok kulli exxa amaan keenih abe.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

2 Aydaad 13:12

Qeebil Yalli isih nee miraaciseleeh; kay seeka qeebi sin lih abnu wayna waqdi, taaguru wayta *baanta taagure'gidih bical tan. Tanna'mmay Israayil ummatey, siinik axceemihii, YALLAY isin akak radden sin kaxxa abbobti doorehiyya lih qeebih abtaanam maduddaanak mataqabina» 'yaanam keenik iyye.

2 Aydaad 20:15

Too waqdi Yacadiyel iyyeemih, «Amoytaay, Yuuda kee Yarusalaam ummatey, YALLI siinik iyyamaa, ‹A qaskaray kaxxam mangohiyyak mameysitinaay niya siinik addigille waytaama. Carbi Yalli siinih abele'kkal isin mabtan.

2 Aydaad 32:8

Usuk catoh sahdaytu leeh; nanu catoh YALLAY ni Dageltah yani lino. Ni aftok qeebi neh abtu waytam kaa» keenik iyye. Ummatta ken malik a yaabat yaabam toobbe waqdi niya keenit gacte.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Aydaad 13:4

Carbi keenik elle radem, Efrayim rasuk qaleela mango aracak ten. Malik Abiyya Xamaraayim migaq le qaleh amol bukka 'yeeh tokkeek Yarobqam kee Israayil marah deerise. Keenik iyyeemih, «Israayil maraw, yoo ankacisa.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

2 Aydaad 20:17

A carbih qeebi maabinay, inki aracal missowwa 'xicay elle idiya. Too waqdi YALLI siinih yacayu waa nasri isinnih abletton. Tonna'mmay Yuuda kee Yarusalaam magaalah maraw, meysi kee bagbaggoowiyya cabba haay, qeebih eweqa; YALLI sin lih yanik» 'yaanam keenik iyye.

Makaabon 9:7

Yootam tah yoobbe waqdi, Geriidim deqsitta qaleh amol bukka 'yeeh, deero abe. Iyyeemih, «Seekem maraw! Yalli sin yab yaabbuk yoo oobbeyay.

2 Aydaad 33:12

Tokkel too marih gabat biyaakite saaku, YALLAY kaak duma usuk akak rade kay kaxxa abbobti doorehiyyah rammiteeh, isi Dageltal yuduureeh catoh kaa kallace.

Yoosuwa 22:31

Sek Alqedar baxi sek Fincas keenil gacseemih, «YALLI ne'lih yanim digga hayna. YALLIH yab cine wayteenim taway siinik neexegeh. Tonnal isin YALLIH digaalak Israayil ummat catteenih» iyye.

1 Malikwa 18:18

Eliyyas too waqdi kaal gacsemii, «Umaane keenil oobissem, yoo hinnay; umaane keenil oobissem, koo kee ku abba. Isin YALLIH amri cineeh Yalla akke sinni Baqal yuqbude mara kinniton.

2 Aydaad 12:5

Ayrok teena Samaqya deqsita nabi, Racabqam kee Yuudâ makaabonuy Masri malikih meysik gexxaamah Yarusalaam magaalal gaaboweh sugehiyya fanah yemeete. Too nabi keenik iyyeemih, «YALLAK temeete farmo siinih abbixeeh; YALLI, ‹Isin yoo cinteeniih, anu kaadu sin cineh an. Tonna-leemiik Sisak deqsita malikih gabat sin digaaleyyo› siinik iyye» 'yaanam keenik iyye.

2 Aydaad 26:5

Zakariyya akak iyyan seekiy Yallih gita kaa barisak yenehiyya addunyal suggu 'yem fanah, kay fayu oggolakaay YALLI kicna taamah baguuk taamitak suge. Tonna-leemiik Yalli barkat kaat hee.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

Yoosuwa 24:20

Kaa cabba hayteenih marin mari yaqbudem tuqbudeenik, gaba siinil qideeh sin digaalele. Duma siinih maquk sugaamah, sin baysele» keenik iyye.

Makaabon 10:13

Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay;

1 Samuwel 12:14

YALLAK meysitteeniih, kaa tuqbudeeniih, kay amri duudusseenih, kay xinto cine wayteenih, tonnah kaadu, sin kee sin amol reeda malik YALLA kinni sin Dageltih gita kataya mara tekkeenik, kullim siinil amqele.

1 Samuwel 12:15

Tonna hinna'mmay, YALLIH yab aabbe wayteeniih kay amri cinteenik, tonnal YALLI sin kee sin malikil inkih umam baahele.

1 Malikwa 11:25

Too num Israayil mara yinqibeeh, Suleeman rabba 'yam fanah naqboytah kaak sugeeh; Hadad innah kaa taqbisak yen.

2 Aydaad 11:12

Gob kee macaxuk faxxintah gide too magaalah addal abbaxuk yen. Tohuk gexxaamah Yuuda kee Benyam mara kee ken baaxo isi gubat abbaxuk yen.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 51:1

YALLI iyyemii, «Isin yoo faxaah cakkih taniimih abtok kore waa maraw, yi yab ankacisa. Akak tewqen xixxaq baguh kassa haa; akak temeeten raceyna kassa haa.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Qaamus 5:14

«Nummâ manoh xintaana'gidih, meqeemik sah umam maabina. Toh abteenik, away isin elle intan inna, YALLAY Nabaamak Naba Dagelta kinnihiyya nummah sin lih anele.