2 Aydaad 14:3 - NABUWWA KEE MALIKWA3 Kaak duma sugte mansafittey sadgat elle abak sugeeni kee fayyat raqta aroocay duyyeeya elle aqbuduk sugeenihiyya wokkek kaleh. Taahirik tan qamidwa akak iyyan qamidway xeetik bicseenihiyya kee Aseera deqsittaamay yaqbudeenihiyyah astah heenih sugen gurumuuda bayseh. Gade chapit la |
Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.
Qibaada elle abak sugen aroocay fayyat raqtahiyya bayseeh; taahirik tan qamidwa akak iyyan qamidway xeetik bicseenihiyya bututtukka heen. Aseera deqsittaamay yaqbudeenihiyyah astah heenih sugen gurumuuda yiggiggileh. Muusa nacaasak bicseh cabe abeesah-ceeloy migaaqah Nacustan akak iyyeenihiyya kaadu bututtukka hee. Too abeesah ceelo yaggileenimik duma, Israayil mari woo abeesah ceeloh assakaxxiyyah qerto akah ruubak sugen.