2 Aydaad 14:2 - NABUWWA KEE MALIKWA

² Aasa YALLAY kay Dagelta kinnihiyya kicnam abakaay cakki gitat gexa malikik ten.

2 Aydaad 14:2 Referans Kwoze

1 Malikwa 15:14

Aasa kaak duma sugga 'te qibaada elle aban aroocay fayyat raqtahiyya inkih mabaysinna'mmay, YALLAL le imaan kaak digga luk yeneeh, rabba 'yam fanah imaan kaak digga luk suge.

1 Malikwa 15:11

Aasa kay kaxxa abba Dawuduk kaxxih, YALLI kicnam abak yen.

2 Aydaad 31:20

Ciskiyyaahu inkih tan Yuudâ-baaxol YALLAY kay Dagelta kinnihiyya kicnaah kay garil cakkik loowinta taamah taamite.

1 Malikwa 15:12

Xiiqareh-xiinak lab-maray coox-kee-xeet elle yaqbuden aroocal sugehiyya wokkek xiiriyeeh; kaak duma suge mari heeh suge gabak bicsen duyyey aqbuduk sugeenihiyya bayseh.

2 Aydaad 14:1

Malik Abiyya rabe saaku, Dawud-Magaala deqsita caafatal kaa yoogoqen. Kay baxi kay lakal malik yekkeeh; migaaqah Aasa deqsitak yen. Malik Aasa malikih suge tabna sanatih addat kay baaxo amaanah xiinak sugte.

2 Aydaad 14:3

Kaak duma sugte mansafittey sadgat elle abak sugeeni kee fayyat raqta aroocay duyyeeya elle aqbuduk sugeenihiyya wokkek kaleh. Taahirik tan qamidwa akak iyyan qamidway xeetik bicseenihiyya kee Aseera deqsittaamay yaqbudeenihiyyah astah heenih sugen gurumuuda bayseh.

2 Aydaad 15:16

Malik Aasak aboyyah ten barray migaaqah Maqka deqsitak teneh ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Woo duyye wokkek kallaay iggiggilla heeh, Kidroon-goloh addal girat carrise.

2 Aydaad 21:12

Nabi Eliyyas warkat kaah ruube. Too warkatal kaak iyyeemihii, «YALLAY ku kaxxa abba Dawud aqbuduk yenehiyya atu abta umaane kok niqbah. Macaay intek, ku abbah yen Malik-Yacoosafat katayak suge gita makatayinnitooy, ku kaxxa abbah yen Malik-Aasa katayak suge gita makatayinnito.

2 Aydaad 17:6

YALLAT abah yan qibaada kibaalah luk yeneeh, Yalla-maleela elle aqbuduk sugte aroocay fayyat raqtahiyya bayseh. Diini-maleela Aseera deqsittaamay yaqbudeenihiyyah astah sooliseenih sugen gurumuuda Yuudâ-rasuk bayseh.

2 Aydaad 20:32

Kay abba Aasak kaxxih, YALLIH garil cakkik tan taamah taamitak yen.

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

2 Aydaad 34:7

Inkih tan kilbat le kabut raqta Israayil baaxol sugga 'te duyyeeyah heen sadgatih-aroocak kee, Aseera deqsittaamay yaqbudeenihiyyah astah heenih sugen gurumuuda kee, gabak bicsen duyyey yaqbudeenihiyya bututtukkaay riira abba hee. Too duyyeh qibaadah qaydarus elle qeerisak sugen arooca kaadu riira abe. Tohuk gaba kale waqdi, Yarusalaam magaala fanah yuduure.