2 Aydaad 14:12 - NABUWWA KEE MALIKWA

¹² Sarra qeebi radeeh; Yuudâ-qaskar ken dadahteeh qeebi keenit abte. YALLI qeebil Kuus marak ken yiysiiseenih; Kuus mari kudeh.

2 Aydaad 14:12 Referans Kwoze

2 Aydaad 13:15

qaskar qeebih tirtirisse. Too waqdi too qeebil Yalli, Abiyya kee Yuudâ mara, Yarobqam kee Israayil qaskarak yiysiiseh.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

2 Aydaad 20:22

Ta mari Yallih saare qimbissa hee waqdi, qeebih keenih amaatuk sugte qaskarat YALLI badit abe.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

1 Aydaad 5:21

Yalli, Hagrih yooboke mari a qeebil gacam looweh yeneemih sabbatah, keenik mango mara qeebih addat qideeniih; luk suggu 'yeenim dannabah keenik been. Dannabah beenim gaalak kontom alfi kee, illik namma bool kee kontom alfi kee, danoonak namma alfi. Tohuk kalah kaadu, sahdak bool alfi seewah been. Tohuk lakal Ruuben kee Gaad kee ayrô-mawqa le kabut raqta Manasseh kedoh yooboke mari ken baaxol gaceeniih; Assuuriyah mari seewah ken beyaanam fan tokkel sugen.

2 Aydaad 15:11

Too ayro dannabah orbisen laa kee illi kee wadar YALLIH sadgatah qiden. Laak malcina boolih saga kee, illi kee wadarak kaadu malcina alfi yusguuden.