2 Aydaad 13:15 - NABUWWA KEE MALIKWA

¹⁵ qaskar qeebih tirtirisse. Too waqdi too qeebil Yalli, Abiyya kee Yuudâ mara, Yarobqam kee Israayil qaskarak yiysiiseh.

2 Aydaad 13:15 Referans Kwoze

2 Aydaad 14:12

Sarra qeebi radeeh; Yuudâ-qaskar ken dadahteeh qeebi keenit abte. YALLI qeebil Kuus marak ken yiysiiseenih; Kuus mari kudeh.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Malikwa 5:1

Suuriyah-malik, Niqmaan deqsita Suuriyah-qaskarih-abba kaxxam assakaxxayuk yeneeh kaxxa arac kaah abak yen. Woh akah tekkem, YALLI, Niqmaan gabat Suuriyah qaskarah iisa yeceeh yen. Usuk kaxxa qaskariitak ten. Takkay immay arab takme kaxxam uma dalka luk yen.

Makaabon 4:15

Barak isi qaskar luk ken yabbixuh yemeete waqdi, YALLI, Sisra kee kay gaariiray biriitak bicseenihiyya kee kay marat badit qide. Too waqdi Sisra isi gaarih amok oobeh ibay ibah yoowwe.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Yoosuwa 6:16

Malcinhaytoh adda mermeritta 'yeenih seeka woo baanta toogore waqdi, Yoosuwa isi marak, «YALLI a magaala siinih yeceek, xongola» iyye.

2 Aydaad 18:31

Oson Malik-Yacoosafat yublen waqdi, yakkeenimiik inkih Israayil malik kaa yekkeleeniih; too waqdi kaa yabbaxoonuh kaa fan yenkeleeleben. Takkay immay usuk xongolo abe waqdi YALLAK cato geeh, Yalli aki kabul ken yuyfukune.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

2 Aydaad 20:22

Ta mari Yallih saare qimbissa hee waqdi, qeebih keenih amaatuk sugte qaskarat YALLI badit abe.