2 Aydaad 13:13 - NABUWWA KEE MALIKWA

^13-14 Usuk too yaabat yan waqdi, Yarobqam isi qaskarak tu takkem ruubeeh, «Gexay darre le kabuk gacca 'xicay qeebi keenit elle abtoonu waytan ikket sasot suga» iyye. Yuudâ-mari Yarobqam fanah afkunuk sugeeh, darre le kabuk tamaate qaskar garciteenih. Sarrak wonnah darre le kabu wagga heen waqdi, Israayil-qaskar marot ken tabbixem yublen. Too waqdi, «YALLAW nee cat» axcuk Yallat xaaqimen. Seeka qeebi qimbisa 'yaanamih astah baanta toogoreeh;

2 Aydaad 13:13 Referans Kwoze

Yoosuwa 8:9

Tohuk lakal Yoosuwa ken ruubeeh; osonuuy edde yambooqoroonu waan arac fan gexeeniih, tokkel Qaay magaalak ayrô-culma le kabul Qaay kee Beetalak fanal sasot sugen. Yoosuwa woo bar woo elle yinfiddigen aracal elle xiine.

Yoosuwa 8:4

«Magaalak darret ombooqoraay; takkay immay kaxxam akak maxxeerina. Tet tabbaxoonuh bical gaca.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

2 Aydaad 20:22

Ta mari Yallih saare qimbissa hee waqdi, qeebih keenih amaatuk sugte qaskarat YALLI badit abe.

1 Malikwa 15:1

Yarobqam Israayil malik edde yekke taban kee bacarhaytô sanatat, Abiyya Yuudâ-malik yekke.