2 Aydaad 12:2 - NABUWWA KEE MALIKWA

^2-3 Malikih koona sanat suggu 'yek sarra, kaa kee kay mara YALLAL aamine weenimih sabbatah, YALLI ken digaaleh. Sisak deqsita numuy Masrik malikih yenehiyya alfi kee namma boolih faras-gaariy carbi edde abaanahiyya kee, lactam alfih qaskariitay faras amook qeebi abahiyya kee, Liibiya kee Sukutti kee Kuus rasuk baahe qaskaray loowo sinnihiyya luk amma 'yeh Yarusalaam magaalat qeebi abe.

2 Aydaad 12:2 Referans Kwoze

1 Malikwa 11:40

Toh yoobbe waqdi, Suleeman Yarobqam qidam faxeeh; takkay immay Masri malikiy migaaqah Sisak deqsitak yenehiyya fan kaak aleelite. Suleeman rabba 'yam fan tokkel suge.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Malikwa 7:6

Yalli, Suuriyah-marat mango qaskaray gaariira kee faariisa lehiyya amaatih yaabbeenim keenit celsiise. Too waqdi Suuriyah-mari tittak iyyemii, «Israayil-mari, Ciita kee Masri malikwa kee ken qaskar amma 'yeenih qeebi net abaana'gidih, maalut xaamen» iyyen.

2 Aydaad 14:9

Ayrok teena Dara deqsita numuy Kuusuh yoobokehiyya malyoon qaskariita kee sidiica boolih faras-gaariy qeebi edde abaanahiyya haysitta heeh, Yuudâ-rasu yabbixe'gidih, Mareesa deqsitta magaala xaqu yemeete.

Yasaqya 18:2

doolat farmo baaha mari bayrek bicsen doonikit gacca 'yeh badal amaatele. Farmot sissiki maraw! Qande le doolat le maray xeeriih, tonnah kaadu, xagar arab akak xamciniih addunyal inkih akak meysitaanahiyya fan farmo beya. Ken baaxo weeqaytitte adda akak radde baaxo.

2 Aydaad 14:8

Sidooca boolih alfi qaskariitay Yuudah yoobokehiyya luk yeneeh; yakkeenimiik gob kee macaxu tikiyah luk yenen. Benyam kedoh yooboke marak kaadu namma bool kee bacra-tabanih alfih qaskariita luk yeneeh; silaacah gob kee gaysê-baxa luk yenen. Yakkeenimiik nagay tan qaskaray baritto kee agiirinna lehiyyak yenen.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.