2 Aydaad 12:15 - NABUWWA KEE MALIKWA

¹⁵ Racabqam qimbooy ellecabo fanah abba heem kee kay buxah marak nasab elle geytintam, Nabi-Samaqya-Aydaada kee Nabi-Qiddoh-Aydaada deqsitta namma kitaaba. Racabqam kee Yarobqam addunyal yenen saaku, kulli way carbi tittat abak sugen.

2 Aydaad 12:15 Referans Kwoze

2 Aydaad 9:29

Wohuk kalah taniimiy Malik Suleeman abak yenehiyya qimbok xabba haanamaay ellecabot akak amma 'yaanam yan aydaadi elle geytimam, Nabi Naatan Aydaada deqsita kitab kee Siilô magaalal yen nabi Aciiya yuktube kitab kee, nabi Qiddo, Nabát-Yarobqam giddinaamak yuble wacyih kitaabal geytinta.

2 Aydaad 12:5

Ayrok teena Samaqya deqsita nabi, Racabqam kee Yuudâ makaabonuy Masri malikih meysik gexxaamah Yarusalaam magaalal gaaboweh sugehiyya fanah yemeete. Too nabi keenik iyyeemih, «YALLAK temeete farmo siinih abbixeeh; YALLI, ‹Isin yoo cinteeniih, anu kaadu sin cineh an. Tonna-leemiik Sisak deqsita malikih gabat sin digaaleyyo› siinik iyye» 'yaanam keenik iyye.

2 Aydaad 13:22

Tahamak kalihimiy Abiyya abba heehiyya kee edde yaabe yab Nabi-Qiddoh-Aydaada deqsita kitaabih addal tan.

1 Malikwa 12:22

Takkay immay too qaskar qeebih ruubaamak dumal, Yalli nabi-Samaqya lih yaabeeh,

2 Aydaad 11:2

Takkay immay too qaskar qeebih ruubaamak dumal, YALLI nabi-Samaqya lih yaabeeh,

1 Aydaad 29:29

Kay aydaadak qimbooy ellecabo Samuwel kee Naatan kee Gaad deqsita sidooca nabih aydaadi elle yan kitoobal geytinta.

2 Aydaad 13:1

Yarobqam Israayil malik edde yekke taban kee bacarhaytô sanatat, Abiyya Yuudâ-malik yekke.

2 Aydaad 13:2

Yarusalaamal sidiica sanatah malikih suge. Kaak ina Mikaaya migaq luk teneeh, tet abba Uriyel deqsita numuy Gibqa deqsitta magaalal yoobokehiyyak ten. Ayrok teena Abiyya kee Yarobqam fanal carbi rade.

2 Aydaad 16:11

Aasa reedda 'yeemiy rabba 'yam fanah abba heemii, ‹Yuuda kee Israayil Malikwah Aydaada› deqsita kitaabih addal tan.

2 Aydaad 20:34

Ahak kalah taniimiy Yacoosafat malik tikka 'yeemiy rabba 'yem fanah abba heehiyya, Canaaní-Yaahuh Aydaaday Israayil Malikwah Aydaada deqsita kitaabak exxak teenah yanihiyyal geytima.

2 Aydaad 28:26

A malik abeh yan taamak ahak kalih qaadoodi, ‹Yuuda kee Israayil Malikwah Aydaada› deqsita kitaabal tan.