2 Aydaad 11:21 - NABUWWA KEE MALIKWA

²¹ Racabqam-agbi tittat taban kee bacra akkuk yeneeh, wohuk kalah kaadu, caggô-gubih caggoh nikaacat yabbixe agabuk lactam luk yen. Xaylok kaadu lab-urrih labaatanna kee bacra kee say-urrih lactam luk yen. Nikaacat abbaxuk yen agabuk inkihii, kacanuh Maqkah lafitak yen.

2 Aydaad 11:21 Referans Kwoze

1 Malikwa 11:3

Suleeman malikwâ-xaylok malcina bool takkem abiteh yen. Kalah kaadu, sidiica boolih barray caggô-gubih caggoh nikaacat yabbixehiyya luk yen. Too agbi Yallak kaa yeyxeereh.

2 Samuwel 5:13

Cebron magaalak Yarusalaam fanah buxa yeyseerrek wadir, Dawud mango agabu caggoh luk yeneeh, tonnah kaadu, caggô-gubbih caggoh nikaacat le agabuk mangom luk yen. Lab-xaylok kee say-xaylok mangom xale.

Makaabon 8:30

Mango agabu luk yeneemih sabbatah, xaylok malcina-tabanih gide luk yen.

2 Aydaad 11:23

Racabqam abam kasat abak yen. Xaylo elle gactu wayta arooca kee abbootan meqe innal keenih kureeh; Yuuda kee Benyam rasul tan magaalooliy gasoosi maroh edde tanihiyyak kulli numuh elle gacu waa magaala kee yaallu waa abbootan naharal elle keenih yecee. Cindah mango mattaco keenih yeceeh, mango agabu digibih keenih abe.

1 Malikwa 15:2

Yarusalaamal sidooca sanat malikih suge. Kaak ina Maqka deqsitak teneeh; Abisalaamak baxák ten.