2 Aydaad 11:18 - NABUWWA KEE MALIKWA

¹⁸ Racabqam Mahlat deqsitta barra digibih abite. A barra Yerimot deqsita numih baxák ten. Yerimot Dawud baxak ten. Mahlat Dawuduk baxi baxák ten. Ina teetik Abicayil deqsitta barrak ten. Abicayil kaadu Aliyab akak iyyen numih baxák teneeh; Yiisa deqsita numuy Dawud xalehiyyak baxi baxák ten.

2 Aydaad 11:18 Referans Kwoze

1 Samuwel 16:6

Yiisa kee kay xaylo woo sadgat-arac temeete waqdi, Samuwel Yiisâ-xaylok tiik teenay Aliyab deqsita yuble waqdi, «YALLI malikih doorem ta numu» 'yaanam isi bagih addat yuscube.

1 Samuwel 17:28

Aliyab deqsita numuy Dawuduk saqalah yene Dawud sinam lih yaabah yoobbe waqdi, kaat bagcarriteh kaak iyyeemih, «Atu akkel maca abta? Woo bacarih tan baaxol dibuk raaqe illit dacayrih iyyi raaqe? A kaxxam isit yakkalow! Afqadot uma cisab litom aaxigeh. Qeebi wagitta'gidih temeete inna?» kaak iyye.

1 Samuwel 17:13

Xaylok sidoc kaak Saawul lih carbi booxa fan gexeh yen. Saqalah keenik tenem Aliyabaay; Aliyabal kataytam Abinadabak ten. Abinadabal kataytam Samma deqsita awkak ten.

1 Aydaad 2:13

Yiisa xale lab-xaylo ah keeniiy, migaq keenik bari keenik elle yani'nnal yan. Aliyabaay, Abinadabaay, Simqaay

2 Aydaad 11:19

Racabqam a barrat xaylok sidoc luk yen. Migaaqah Yaqus kee Samarya kee Daham deqsitak yenen.