2 Aydaad 11:13 - NABUWWA KEE MALIKWA

¹³ Israayil rasul sugga 'ta Leewih yooboke mara kee seeka tokke cabba hayteh, gabbi-qaxat raqta Yuudah baaxo fanah yemeeten.

2 Aydaad 11:13 Referans Kwoze

2 Aydaad 11:12

Gob kee macaxuk faxxintah gide too magaalah addal abbaxuk yen. Tohuk gexxaamah Yuuda kee Benyam mara kee ken baaxo isi gubat abbaxuk yen.

2 Aydaad 11:14

Leewih yooboke mari, Israayil-rasul luk sugen qarwa kee lacti malaalah baaxo cabba heenih, Yuudâ rasu kee Yarusalaam fanah yemeeten. Toh akah abeenimii, wokkel malikih suge Yarobqam deqsita malik kee kaak ciggilte malikwa, seekay YALLIH taamat sugtehiyya a taama abe kaleeniih; tohih faxe waytih Israayil rasu cabeenih Yuudâ-rasu fan yeerren.

2 Aydaad 23:2

Ta mari, inkih tan Yuudah magaalooli gexxa 'yeh Leewih yooboke mara kee gulubwak abbobtih yan mara Yarusalaam fanah baahen.

Yoosuwa 22:19

Sin baaxo qibaada elle aban baaxo akke waytek, amay nanu elle nan baaxol ne'lih gacaay, tokkel YALLIH Qibaadah-Siraq elle yan aracal kaa uqbuda. Takkay immay YALLAY nee doorehiyyah dumaak xisne aracay sadgat elle abnahiyyak kalih aracay sadgat elle abaana mahaysitina. Toh abteenik, YALLIH yab cina mara akkettoonuuh nek kaadu naqboytit akketton.

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

1 Malikwa 15:17

Malik Baqsa Yuudâ-rasu warareeh; sinam Yuudâ-rasu awqe waytaah afak akah cule wayta innah, Raama deqsitta magaalat maro teetit haam qimbise.

2 Malikwa 4:42

Ayrok teena num Baqal-Saliisa deqsitta baaxok, woo sanatal naharat orbe gabru deqsitta darok bicsen labaatanni gaqamboyta kaah baahe. Toh lih kaadu woo waqdi yirgiqen daro kaah baahe. Too waqdi Eliisaq isi kaadintuk, «A maaqot woo butta takke nabuwwa adoobis» iyye.

2 Aydaad 16:1

Aasa malik yekkeemih soddom kee leceyhaytô sanat guffu hee saaku, Malik Baqsa Yuudâ-rasu warareeh, sinam Yuudâ-rasu awqe waytaah afak akah cule wayta innah, Raama deqsitta magaalat maro haam qimbise.

2 Aydaad 30:1

Ummatta Elle-Tatriyyi-Qiid naharsi alsay kaa elle abeh meqehiyyat abaanam maduudinnon. Woh akah takkem, seekak faxxintah gide taahirik masuginnaay; tonnah kaadu Yarusalaamal mango mari gaabooweh masuginna. Tonna-leemiik Malik Ciskiyyaahu kee kay gubal taamita mara kee raqqa 'te ummatta, woo qiid ciggiila alsat abaanamat caben. Too waqdi Malik Ciskiyyaahu inkih tan Israayil kee Yuudah ummattah farmo ruube. Efrayim kee Manasse kedoh meqe innal yuktube warkat ruubeeh iyyeemih, «Yarusalaamal yan YALLIH Qibaadah-Qaril YALLAY Israayil doore Dagelta kinnihiyyah nabna edde kassinna Elle-Tatriyyi-Qiid abna'gidih ama» 'yaanam keenih yuktube.

Ermiyaas 23:38

Yi amri cinna hayteenih, ‹YALLI ruube quuka› 'yaanam inteenik,