2 Aydaad 10:15 - NABUWWA KEE MALIKWA

¹⁵ Aham duma akkelem YALLI, nabi-Aciiyah-afat Yarobqamah warseh sugeeh; tohuk gexxaamah Racobqam ummatta faxxam abam cineh. Siilol yoobokeh yen Aciiya deqsita nabi iyyem nummak maacisse.

2 Aydaad 10:15 Referans Kwoze

1 Samuwel 2:25

Num numul umam baahek, woo umaanek YALLI kaa catam takkeh, immay, YALLAL dambi lem baahe num YALLIH digaalak iyyi cata? Maabina, yi xayloy» keenik iyye. Takkay immay YALLI uma raba keenih faxeemih sabbatah, abba yab moggolinnon.

Yasaqya 19:14

YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

1 Malikwa 22:20

too waqdi isi malaykootak, ‹Acab, Raamot-magaala gexxa 'yeh wokkel akah raba innah kaa ayrissu duddam iyyaay?› iyye. Too waqdi malaykootak mariiy tu iyye.

1 Malikwa 12:24

«Keenik intaamah, ‹Israayil mari sin tooboko'mmay, qeebi keenit maabina. Away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih; yakkeenimik isinni buxah yuduuren.

1 Malikwa 12:15

Aham duma akkelem YALLI, nabi-Aciiyah-afat Yarobqamah warseh sugeeh; tohuk gexxaamah Racobqam ummatta faxxam abam cineh. Siilol yoobokeh yen Aciiya deqsita nabi iyyem nummak maacisse.

Makaabon 14:4

Kay xaleena aham kaa absissam, YALLA kinnim maaxaginnaay; YALLI Filistiin-maral umaane baaham faxak yen. Too dabaanal Filistiin-mari Israayil-marak reedah amol yenen.

2 Aydaad 9:29

Wohuk kalah taniimiy Malik Suleeman abak yenehiyya qimbok xabba haanamaay ellecabot akak amma 'yaanam yan aydaadi elle geytimam, Nabi Naatan Aydaada deqsita kitab kee Siilô magaalal yen nabi Aciiya yuktube kitab kee, nabi Qiddo, Nabát-Yarobqam giddinaamak yuble wacyih kitaabal geytinta.

2 Aydaad 11:4

«Keenik intaamah, ‹Israayilih mari sin tooboko'mmay, qeebi keenit maabinaay; away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih, yakkeenimik isinni buxah yuduuren.

2 Aydaad 22:7

Acadya tokke Israayil malikit boysita'gidih abe gexo, Yalli baati kaal akah takke innah, abe. Usuk tokkel gexe waqdi, Yalli, kaa kee Yooramat, Nimsí-Yaahu deqsita num ruube. YALLI too num akah ruubem, Acab durruyyatih dardaarinna a numih gabat bayisa'gidik ten.

2 Samuwel 17:14

Too waqdi Absalaam kee Israayil mari yakkeemiik, «Acitoofal-fayuk, Cusaay-fayi yayseh yan» iyyen. YALLI woh akah abemii, Acitoofal baahe meqe-fayu kataate waana'gidiiy Absalaamal bala obta'gidi.