1 Samuwel 9:7 - NABUWWA KEE MALIKWA

⁷ Saawul, «Kaal genxa waqdi maca kaah aceenno? Olot luk sugne maaqo tembexeeh, Yallih numul foyyâ-gabah genxam mameqek, gabat tu maay lino?» iyye.

1 Samuwel 9:7 Referans Kwoze

2 Malikwa 8:8

Cadayel deqsita numuk iyyemii, «Gexay nabi-Eliisaqah mattaco gabat beyay, ‹Lakimak uru waam kee ure wayu waam YALLA yoh esser› kaak inxic» iyye.

1 Malikwa 14:3

Tabna gaqamboyta kee gasiita kee malabak-buuti gabat kaah bey. Sarrak baxi nek lakmisam kaah warisaay; qaffootam keh kaa esseray am. Takku waytam koh warselek» teetik iyye.

2 Malikwa 4:42

Ayrok teena num Baqal-Saliisa deqsitta baaxok, woo sanatal naharat orbe gabru deqsitta darok bicsen labaatanni gaqamboyta kaah baahe. Toh lih kaadu woo waqdi yirgiqen daro kaah baahe. Too waqdi Eliisaq isi kaadintuk, «A maaqot woo butta takke nabuwwa adoobis» iyye.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

2 Malikwa 5:5

Too waqdi malik iyyemii, «Gexay; Israayil-malikih warkat ruubeyyooh kaal ucuy» iyye. Niqmaan lakqok soddom alfih garsi takkem kee dahabak laca alfih cabbataay, kalah kaadu sartanak tabna cabbat gabat hayya heeh wokke gexe.

Makaabon 6:18

ku maganah sadgatah maaqo baaham fan magexin» iyye. YALLI kaak iyyeemih, «Atu tamaatem fan elle sugeyyo» kaak iyye.

1 Malikwa 13:7

Sarrak malik kaak iyyeemih, «Yoh abte maqaaneh galto koh gacseyyok, buxa nee bey, maaqo xagta'gidih» kaak iyye.

2 Malikwa 8:9

Too waqdi Cadayel morootom rakub Damaskoh magaalal enna 'ta meqe duyyek eerra heeh Eliisaq fan gexe. Kaa fan yemeete waqdi iyyemii, «Ku baxi Banihadad, lakimak ure lem kee ure waam koo essera'gidih yoo ruube» iyye.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.