1 Samuwel 9:12 - NABUWWA KEE MALIKWA

^12-13 Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.

1 Samuwel 9:12 Referans Kwoze

1 Samuwel 16:2

Samuwel YALLAL gacseemih, «Saawul ah yoobbek yoo qidelek, ah mannal abu duudah?» iyye. YALLI too waqdi annah kaak iyye. «Dahalto gabat luk gexaay, ‹YALLAH sadgat aba'gidih emeete› inxic» kaak iyye.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.

1 Aydaad 16:39

Sek Saaduk kee kaah ramad le seekah tu gactek, Gibqon magaalal, YALLIH qibaada elle takke siraqih addal, abbootan luk yenen.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 2:35

Imaan yol le numuy anu aba axcem abahiyya seekih heeyyo. Too seekik ramad raaqele. Too ramad anu dooru waa malik lih gacca 'yeh, yoh taamitele.

1 Samuwel 20:6

Ku abba maaqo elle yakmen aracal yoo wayu waa waqdi, ‹Dawud manke gexe?› iyyek, ‹Buxâ-mara lih qiidih asam faxaah; kulli sanatal buxâ-mara lih sadgat edde abna ayrooy, gexam faxak ruksat yoh ucuy›, iyyeeh, ‹Ruksat anu kaah ecee› yoh inxic.