1 Samuwel 8:6 - NABUWWA KEE MALIKWA

⁶ Takkay immay Samuwel oson, «Malikih num neh reedis» kaak iyyen waqdi, tohut ruffa maxcinna. Tonna-leemiik YALLA kallace.

1 Samuwel 8:6 Referans Kwoze

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

1 Samuwel 12:17

Away edde nanim rob edde yamaate wakti hinna'mmay, taway anu YALLA esserak, ‹YALLAW, kakkaqo kee rob rub› axceyyooh; YALLI too waqdi kakkaqo kee rob ruubele. Tah takku wayta waqdi YALLAK, ‹Malik neh reedis› inteeniih, tohul YALLAL dambi lem bahteenim isinnik aaxigetton» iyye.

1 Samuwel 7:5

Tohuk lakal Samuwel, «Mixfa deqsita aracal YALLA siinih kallaca'gidih, wokkel gaaboowa» iyye.

1 Samuwel 10:19

Samuwel qagisak keenik iyyeemih, «Kulli gadaama kee taqabik sin teyyeeqem, sin Dagelta. Takkay immay a saaku kaa cinteenih, Malik neh reedis 'yaanam yok inten. Faxxaanam toh tekkek, kedo-kedo kee gulub kee gulubuh gacca 'xicay YALLIH qibaadah-arac xayyoowa» keenik iyye.

1 Samuwel 12:12

Takkay immay Qammon rasul malikih yen numuy migaaqah Nacas deqsitahiyya sin yabbixu waam tublen waqdi, YALLIH malikannu cinteenih, ‹Nee xiinisa malik neh reedis› yok inten.

Hosiqa 13:10

Malik kee abbobti fanxa yok inten. Away sin cata malik mayanay, abbobti le magaala matan.

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.