1 Samuwel 7:17 - NABUWWA KEE MALIKWA

¹⁷ Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 7:17 Referans Kwoze

1 Samuwel 1:19

Ciggilta ayro Elkaana kee kay buxah mara maaca dibroh ugutta yeenih YALLA yuqbudeenih. Sarrak Raamal tan isinni buxa fan gexen. Elkaana Canna lih xiineeh, YALLI is kaa akah kallactem teetih duuduseh.

1 Samuwel 8:4

Sarrak Israayilik saqoltih yan mari gaabowwa 'yeh, Samuweliy Raamal yanihiyya fan gexen.

1 Samuwel 1:1

Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.

1 Samuwel 11:15

Too waqdi yakkeenimik Gilgal fan gexen. Tokkel woo taahirik yen aracal, Saawul ken malik kinnim diggoysen. Sarrak amaanah xiinaanamih astah aban sadgat YALLAH aben. Saawul kee raqqa 'ye Israayil mari inkih too ayro tekkem yessekexxeenih.

1 Samuwel 2:11

Tohuk lakal Elkaana Raamal tan isi buxa fan yuduure. Takkay immay Samuweliy awki baxah yani wokkel Qeli deqsita seekil kaa caben. Tokkel, Qeli deqsita sek aba kaak iyyam abak, YALLIH taamat gace.

1 Samuwel 9:12

Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.

1 Samuwel 14:35

Sarrak Saawul YALLAH sadgat elle aban arac bicse. Duma YALLAH sadgat elle aban arac bicseh masuginna.

1 Samuwel 15:34

Sarrak Samuwel Raama fan gexe. Malik-Saawul Gibqal tan isi buxa fan yuduure.

1 Samuwel 28:3

Samuwel rabeemih waqla taturte. Israayil mari inkih too saaku kay rabah rookite. Magaqah elle yooboke Raamah magaalal kaa heen. Takkay immay Samuwel yen saaku, Saawul ginnili kee kalluwalley Israayilil sugga 'tehiyya baaxok dirkih yeyyeeqeh yen.

Yasaqya 10:29

Qaleelak tabeena tatreenih gexeeniih; «Bar xiinih Gabaq deqsita arac orbenno» iyyan. Raamâ-magaalal suge mari wariggiteeh; Malik-Saawul-magaalay Gibqa deqsittal suge mari kude.

Makaabon 4:5

Ta barra qaleela-le-Efrayim-baaxok Raama kee Beetal deqsita aracak fanal ten nakliitâ-caxak gubal daffa 'tah cokmaabak ten. Tonnal too nakliita, Deboorâ-nakliita iyyen. Israayil mari cakki goranah tet fan gexak yen.

Makaabon 6:24

Tokkel Gidqoon YALLIH migaaqal sadgat elle aban arac bicse. Too aracak migaaqah ‹Wagri YALLAT yan› 'yaanam iyye. Woo aracay sadgat elle abehiyya a saaku fan Qofra deqsita aracal yan. Qofra, Abiqeder gulub guubuh le aracak ten.