1 Samuwel 7:12 - NABUWWA KEE MALIKWA

¹² Tohuk lakal Samuwel xaa bahha heeh, Mixfa kee Seen deqsita aracak fanal soolise. Too waqdi iyyeemih, «YALLI ta udduruh amma 'yaanam nee cateeh; tonna leemik ahaysa a xaak migaaqah ‹Catô-xaa› deqsitele» iyye.

1 Samuwel 7:12 Referans Kwoze

Yoosuwa 4:9

Yoosuwa kaadu taban kee namma xaa Ordon gudel Qahdi-Sandug tabbixe seeka elle solta ikkel soolise. Woo xeet uxih a saaku fan tokkel yan.

1 Samuwel 5:1

Filistiin mari Yallih Qahdi addat akak yan Sandug Eben-Qeder deqsita aracak isinni magaala fan been. Ken magaala migaaqah Asdood deqsitak ten.

Yasaqya 19:19

Too ayro, Masri rasuk gudet, YALLAY Nabaamak Nabahiyyah sadgat elle aban arac heelon. Masri cuduudul kaadu xeetik bicsen qamidduy kaa elle kassitaanahiyya heelon.

1 Samuwel 4:1

Samuwel, YALLI kaa'lih yaabe yab Israayil ummattah warisak yen. Too dabaanal *Filistiin-mari Israayilit qeebi abaana'gidih ugten. Israayil-mari Eeben-Qeder deqsita aracal yinfiddigeeniih; Filistiin-mariiy Afeek deqsita aracal yinfiddigen.

1 Samuwel 14:35

Sarrak Saawul YALLAH sadgat elle aban arac bicse. Duma YALLAH sadgat elle aban arac bicseh masuginna.