1 Samuwel 6:5 - NABUWWA KEE MALIKWA

⁵ A laahi-baxxa kee hantuutay baaxo siinik bayissak sugehiyyah ceelo bicissaanam meqeeh, Israayil doore Dagelta kaadu tassakaxxeenim meqe. Usuk sin kee sin yallitte kee sin baaxok digaala yayseedem takkeh.

1 Samuwel 6:5 Referans Kwoze

Yoosuwa 7:19

Too waqdi Yoosuwa kaak iyyeemih, «Yi baxaw, YALLAY Israayil doore Dagelta kinnihiyyah nabna faylisaay; kay foocal abteemit yab. Abba haytem taway yoh warisay yok maaqarin» kaak iyye.

1 Samuwel 5:11

Sarrak qagseenih woo Filistiin malikwah farmo ruubeeniih iyyeenimii, «A Sanduguy Israayil doore Dageltih-qahdi addat akak yanihiyya nee kee ni buxah mara akah ambaxe wayna'nnah, elle suggu 'ye ikke fan gacisa» iyyen. Yalli gibdi digaalah ken digaaleeh; tohuk gexxaamah inkih tan magaalah mari abam waagiseh qaxxaagiteenih.

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

1 Samuwel 5:9

Too magaala been waqdi, YALLI kaadu woo magaalat kaxxa ceya ruubeeh, idoola kee furraynat inkih laahi-baxxi dalka keenil oobise. Gibdi cunxo ken tibbixeh, adaadareenih.

Ayyuqel 2:25

YALLI siinik iyyaamah, «Qanayti siinik selli heem, wadir siinih gacseyyo. A qanaytih macaxu siinit rubtem, yoo YALLA.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

1 Samuwel 6:8

YALLIH Qahdi addat akak yan Sandug baahay, woo gaarih amot haa. Woo abten dambik cabsu geytaana'gidih rubtan dahabak bicsen laahi-baxxa kee hantuuti ceelo edde tan sandug, Qahdih-Sandugih xaqut haa. Tohuk gaba kalla haytan waqdi gaari isih gexxay inxica.

1 Aydaad 16:28

Addunyal enna 'ta kedooda inkih YALLIH nabna kee qande saarissay.

1 Aydaad 16:29

YALLIH-migaaqay nabna let yaaba. Sadgat baahay, YALLIH-qarih ama. Kudduusuk yan YALLI yambullee way, kaa essekexxeyay gommoh kaah rada.

Yoonas 3:9

Tonnal Yalli bagcarra cabba heeh neh racmatak xuwaawam takkeh. Tonnal kaadu rabak cattiimenno» iyye.