1 Samuwel 6:4 - NABUWWA KEE MALIKWA

⁴ Oson, «Hay, abne dambik qafu geyna'gidih, mannah tan mattaco kaah rubnooh?» iyyen. Too mari keenil gacseemih, «Laahi-baxxi ceelok bicsen koona dahab kee, hantuuti ceelok bicsen koona dahab bicisa. Woo konooyuk kulli tiiy Filistiin baaxoh koona malikih migaaqak loowimele. Sin kee Filistiin koona malikil raddem inki bala.

1 Samuwel 6:4 Referans Kwoze

Makaabon 3:3

Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.

1 Samuwel 5:9

Too magaala been waqdi, YALLI kaadu woo magaalat kaxxa ceya ruubeeh, idoola kee furraynat inkih laahi-baxxi dalka keenil oobise. Gibdi cunxo ken tibbixeh, adaadareenih.

1 Samuwel 5:6

YALLI, Asdood mara kee keenik dariifal tan baaxol yen mara gibdi digaalah digaaleeh, cunxo keenil ruube. Ken digaaleeh, laahi-baxxi biyak keenit ruube.

1 Samuwel 6:5

A laahi-baxxa kee hantuutay baaxo siinik bayissak sugehiyyah ceelo bicissaanam meqeeh, Israayil doore Dagelta kaadu tassakaxxeenim meqe. Usuk sin kee sin yallitte kee sin baaxok digaala yayseedem takkeh.

1 Samuwel 5:12

Woo dalkah rabe wee marih agantah a laahi-baxxi biyak luk yeneenih, ken xongolo kee weeqi qaran fan gufe.

1 Samuwel 6:8

YALLIH Qahdi addat akak yan Sandug baahay, woo gaarih amot haa. Woo abten dambik cabsu geytaana'gidih rubtan dahabak bicsen laahi-baxxa kee hantuuti ceelo edde tan sandug, Qahdih-Sandugih xaqut haa. Tohuk gaba kalla haytan waqdi gaari isih gexxay inxica.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.