1 Samuwel 6:2 - NABUWWA KEE MALIKWA

² Filistiin mari isinni seeka kee baab-abeenitih seeco abeenih keenik iyyeenimii, «YALLIH Qahdi addat akak yan Sanduguk maca abnooh? Akak baahen aracah gacisna waqdi, woo sandug lih maca hayneh rubnooh?» iyyen.

1 Samuwel 6:2 Referans Kwoze

Daaniyel 5:7

Too waqdi, «Faal-qida kee baab-abeenit kee cutuk-beyah yoh seeca» iyyeh xongole. Woo mari yemeete waqdi, malik keenik iyyeemih, «A kutbe yakriyeeh teetik maqna yoh warisu waa numuh, malik buxah mari haa qasdiimin sartan kee dahabak bicsen silsilatay massakaxxah fillat haanahiyya aceeyyo. Abbootanah kaadu yok gubal sidochaytô-num akkele» iyye.

Daaniyel 2:2

Tonna-leemiik soonitem kaah warsaana'gidih, soono yafdige maraay faal-qidaay baab-abeenitiiy cutuk-beya kee ramli-qida-marah amma 'yaanam inkih seeco abe. Oson yemeeteeniih foocal kaak soolen waqdi, keenik iyyemii,

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

1 Samuwel 6:1

YALLIH Qahdi addat akak yan Sandug *Filistiin rasul malcina alsih gide sugeek lakal,

1 Samuwel 5:8

Tohuk lakal woo Filistiin baaxok koona malikih seeco aben. Gaaboowen waqdi keenik iyyeenimii, «Israayil doore Dageltih-qahdi addat akak yan Sanduguk maca abnooh?» iyyen. Osonuuy, «Gat magaala fan beya» iyyen. Gat kaadu Filistiin magaalak ten.