1 Samuwel 5:9 - NABUWWA KEE MALIKWA

⁹ Too magaala been waqdi, YALLI kaadu woo magaalat kaxxa ceya ruubeeh, idoola kee furraynat inkih laahi-baxxi dalka keenil oobise. Gibdi cunxo ken tibbixeh, adaadareenih.

1 Samuwel 5:9 Referans Kwoze

1 Samuwel 5:6

YALLI, Asdood mara kee keenik dariifal tan baaxol yen mara gibdi digaalah digaaleeh, cunxo keenil ruube. Ken digaaleeh, laahi-baxxi biyak keenit ruube.

1 Samuwel 7:13

Israayil-mari qeebil Filistiin-marak yeyseeh, Samuwel sugem fan Filistiin-mari Israayil baaxo culak masuginna.

1 Samuwel 12:15

Tonna hinna'mmay, YALLIH yab aabbe wayteeniih kay amri cinteenik, tonnal YALLI sin kee sin malikil inkih umam baahele.

Qaamus 5:19

Too ayro, naharak lubak afal gaceeh, lubaakak yisillimem yekkele waqdi, kabqih afal gaceeh; kabqik isillimeh ahaysa buxa wadbiteh iyye waqdi, qari afal sugte abeesa edde arte numih ceelallo siinit akkele.

1 Samuwel 6:11

YALLIH Qahdi addat akak yan Sandug kee, hantuuta kee laahi-bexxi ceelok bicsen dahab addat akak yan sandug woo gaarih amol heen.

1 Samuwel 5:11

Sarrak qagseenih woo Filistiin malikwah farmo ruubeeniih iyyeenimii, «A Sanduguy Israayil doore Dageltih-qahdi addat akak yanihiyya nee kee ni buxah mara akah ambaxe wayna'nnah, elle suggu 'ye ikke fan gacisa» iyyen. Yalli gibdi digaalah ken digaaleeh; tohuk gexxaamah inkih tan magaalah mari abam waagiseh qaxxaagiteenih.

1 Samuwel 5:10

Tohih sabbatah woo sandug woo magaalak Ekron deqsita magaala fan ruuben. Ekron kaadu Filistiin magaalak ten. Too sandug tokke baahen waqdi, woo magaalah mari, «A mari nee qida'gidih, a Israayil doore Dageltih-Sandug nee fan baahaanah yanin» iyyeenih, uma-xaw keenit xaawen.