1 Samuwel 5:8 - NABUWWA KEE MALIKWA

⁸ Tohuk lakal woo Filistiin baaxok koona malikih seeco aben. Gaaboowen waqdi keenik iyyeenimii, «Israayil doore Dageltih-qahdi addat akak yan Sanduguk maca abnooh?» iyyen. Osonuuy, «Gat magaala fan beya» iyyen. Gat kaadu Filistiin magaalak ten.

1 Samuwel 5:8 Referans Kwoze

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Qaamus 6:2

Kalne deqsitta magaala fanah gexay wokkel tanim ubula! Wokkek bisoh taturra 'xicay Camat deqsitta kaxxa magaala kee Gaat deqsitta magaalay Filistiin mari elle yanihiyya fanah gexay tanim ubula. Woo mari siinik maay yayseeh, ken baaxo sin baaxok maay taysee? Mataysa.

1 Samuwel 17:4

Filistiin qaskarak addak Golyaad deqsita celem bukka 'yeeh, Israayil qaskarih addak qeebi kaa'lih aba num yanim keh essere. A num Gat deqsitta magaalal yoobokeh yeneeh, xexxaarah lica cusul kee garab akkuk yeneeh, isik edde waasan nacaasak bicsen kameesiy qilsah kontom kee malcina kiilo yakkehiyya kee, amo edde dacrisan nacaasak bicsen kalabtat sartanah yen.

1 Samuwel 5:11

Sarrak qagseenih woo Filistiin malikwah farmo ruubeeniih iyyeenimii, «A Sanduguy Israayil doore Dageltih-qahdi addat akak yanihiyya nee kee ni buxah mara akah ambaxe wayna'nnah, elle suggu 'ye ikke fan gacisa» iyyen. Yalli gibdi digaalah ken digaaleeh; tohuk gexxaamah inkih tan magaalah mari abam waagiseh qaxxaagiteenih.

1 Samuwel 5:7

Oson ahat raden waqdi iyyeenimii, «Israayil doore Dagelti, nee kee ni yalla Daagon digaalah yaniih, neh yaabbeh mayanak, Yallih-Qahdih-Sandug rubnam tayse» iyyen.

1 Samuwel 29:6

Too waqdi Aakis Dawuduh seeceeh kaak iyyeemih, «Atu aamanti le numuh yok sugteemih YALLAY waarahiyyal xiibita. Yi fanah amma 'teemiy a saaku fanah kok uble qellat mayyu. Tonna-leemik yo'lih gexxaah qeebit tangalem kok faxak en. Takkay immay yo'lih tan malikwa woo tiya yok moggolinna.

Yoosuwa 15:11

Tokkeek cuduud keenik Ekron magaalak kilbat le kabut raqta qale fan bacakkuh gexxa 'yaah, Sikkaron deqsitta magaalak Baqala deqsitta qaleh xaquk taturra 'yaah bisoh Yabneel deqsita arac fan yamaate. Cuduud keenik Maditraaniyah badat yaade.

1 Samuwel 6:2

Filistiin mari isinni seeka kee baab-abeenitih seeco abeenih keenik iyyeenimii, «YALLIH Qahdi addat akak yan Sanduguk maca abnooh? Akak baahen aracah gacisna waqdi, woo sandug lih maca hayneh rubnooh?» iyyen.

1 Samuwel 17:52

Israayil kee Yuudâ-mariiy deero abak lakat keenik arduk, Gat deqsitta magaalah culmeyna kee Ekron deqsitta magaalah culmeyna guffa haanam fan ken yeyredden. Filistiin-mari Saqrayimik Gat kee Ekron fan gexa gital tinnikissem kee madallah raqtem yekken.

1 Aydaad 7:21

Tacataay Dabad xaleeh, Dabadaay Sutlac xale. Efrayim kaadu Qader kee Elqad xale'mmay, too namma num Gat-rasuh yooboke marak saq buubaana'gidih gexen saaku, Gat-mari ken qide.