1 Samuwel 4:5 - NABUWWA KEE MALIKWA

⁵ Woo sandug baahen waqdi Israayil mari farcik gexxaamah baaxo edde engeyya inta xongoloh xongolen.

1 Samuwel 4:5 Referans Kwoze

Yoosuwa 6:5

Sarrak baanta ayseede'kal waqla fan meqe gide xongolisaanama. Too anay taabben waqdi aki mari yakkeemiik xongolaama. Too waqdi woo magaalah gasoosa inkih addah addigillele. Tohuk lakal qaskar elle sugte'kkek takkeemiik magaala cultaama» kaak iyye.

Qaamus 6:3

Isin, ‹Ahaysa uma ayro matamaata; temeetek kaadu xayuk matamaata› 'yaanam intaanah, tohuk gexxaamah uma-taamat assan. Sin uma-taama woo ayro xayyoysele'mmay, siinit takku waytam abletton.

Ermiyaas 7:4

Makot sin beya marih yaabal maaminina. «Nanu dumaak waddiime mara kinninooh; YALLIH Qibaadah-Qari ah kaana; xaqul lino» 'yaanam kulli way maxcinaay; a qari sin wadelem makkalina› keenik inxic» yok iyye.

Makaabon 15:14

Laci deqsita arac yemeete waqdi, Filistiin mari waxxaq axcuk arduk kaa fan yemeete. Garciik YALLIH *Roocaaniyya cayla kaat hayteeh, too waqdi caray kee mogoyut axawah kaak suge namma akat gira tokme tafulta elle yargiqen gurral yirgiqe.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

1 Samuwel 4:6

Filistiin mari a xongolo yoobbe waqdi iyyeenimih, «Qibraan marih aracal radda xongolo ankacisay, a xongolo macâ-xongolok tan teetiiy?» iyyen. Sarrak YALLIH Qahdi addat akak yan Sandug baaheenim yoobben waqdi,

2 Samuwel 15:24

Sek-Saaduk kee Leewih yooboke maray Yallih Qahdih Sandug akkuquk baaheenihiyya kaadu yemeeten. Woo Sandug daffessi heeniih, magaalak sahda inkih taturtam fanah akkuqe'kal sugen. Sek-Abiyataar kaadu wokkel ken lih suge.

1 Malikwa 1:40

Tohuk lakal yakkeenimiik lakak kaa katayak, qililisakaay fooxima fooxisak, baaxo edde engeyya 'ta farcih africuk, Yarusalaam fan yuduuren.