1 Samuwel 4:18 - NABUWWA KEE MALIKWA

¹⁸ «Yallih-Qahdih-Sandug beenih» kaak iyye waqdi, elle suge korsik magaala akak culan afah garil deerih rade. Idoolinni kaat yemeeteh yeneeh, xagar kaak kaadu gabuleh yeneeh; filli kaak yiddigilleh, edde rabe. Israayil mara morootom sanatah miraaciseh suge.

1 Samuwel 4:18 Referans Kwoze

1 Samuwel 4:13

Woo num magaala gufe waqdi, Qeli, Yallih Qahdi addat akak yan Sandug gexeemih meysitak sugeeh; xaaguh giti-xaqul korsil daffeyak suge. Taaxige num tikka 'tem magaalâ-marah warse waqdi, inkih tan magaalal kaxxa booge radde.

1 Samuwel 4:17

Xaagu baahe num, «Israayilik mango mari rabeeh, raqtem kuddeh. Ku xayloh nammay too qeebit rabte. Yallih-qahdi edde yan Sandug yibbixeenih dannabah been» kaak iyye.

1 Samuwel 4:19

Qeli-baxay Fincas deqsitahiyyak barra soolimah teneeh; xalay teetit xayyooweh yen. Is Yallih Qahdi addat akak yan Sandug yintixibbixeeh, tet ballu kee baqala rabtem toobbe waqdi, lacawat raddeh xalteh.

Makaabon 15:20

Filistiin mari baaxol ackumuk yen dabaanal, too baaxol Samsoon Israayil mara miraacisak labaatanni sanat suge.