1 Samuwel 4:16 - NABUWWA KEE MALIKWA

¹⁶ Xaagu baahe num kaal yemeeteeh, «Carbi elle yekke ikkek ta saaku emeeteeh, akak kudeh emeetem too carbi» kaak iyye. Qeli kaak iyyemii, «Hay yi baxaw, tekkem yoh warisey, xaagi macaay?» kaak iyye.

1 Samuwel 4:16 Referans Kwoze

2 Samuwel 1:4

Dawud, «Hay, xaagi macaay?» kaak iyye. Too waqdi awki kaak iyyeemih, «Qaskar carbik kuddeh immay mango mari edde rabe. Saawul kee kay baxa Yonaatan kaadu too qeebit rabte» iyye.

1 Samuwel 3:6

YALLI kaadu qagseh kaah seeceh, «Samuwelow!» iyye. Too waqdi kaadu ugutta 'yeh, Qeli fan gexeeh, «Ah yoo; yoh secteh emeeteh» iyye. Qeli kaadu iyyeemih, «Yi baxaw, anu koh maseecinniyok, gexay inaaqit» kaak iyye.

Yoosuwa 7:19

Too waqdi Yoosuwa kaak iyyeemih, «Yi baxaw, YALLAY Israayil doore Dagelta kinnihiyyah nabna faylisaay; kay foocal abteemit yab. Abba haytem taway yoh warisay yok maaqarin» kaak iyye.

1 Samuwel 4:17

Xaagu baahe num, «Israayilik mango mari rabeeh, raqtem kuddeh. Ku xayloh nammay too qeebit rabte. Yallih-qahdi edde yan Sandug yibbixeenih dannabah been» kaak iyye.