1 Samuwel 4:10 - NABUWWA KEE MALIKWA

¹⁰ Sarrak qeebi rade waqdi, Filistiin mari Israayil marat kaxxa qeebi abeeh; Israayil mari isinni buxa fan yoowwen. Too saaku Israayil marak mangom tembexe. Israayilik soddom alfih qaskariiti rabe.

1 Samuwel 4:10 Referans Kwoze

2 Malikwa 14:12

Amaxyâ-qaskar qeebil gacteeh, qaskar takkeemik kudak isinni buxaaxih fan gacen.

1 Samuwel 4:2

Filistiin mari qeebi keenit abeeh; kaxxa qeebi ken fanal akkuk sugek lakal, Filistiin mari qeebil keenik yeyseeh, too qeebil Israayilik affara alfih num qiden.

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

2 Aydaad 25:22

Amaxyâ-qaskar qeebil gacteeh, qaskar takkeemik kudak isinni buxaaxih fan gacen.

2 Aydaad 13:17

Abiyya kee kay qaskar kaxxa qawwalayla keenit abteeh, Israayil qaskarak koona boolih alfi takkem qiden.

1 Malikwa 22:36

Ayro cultam faxxa waqdi, Israayil qaskarih abbobti amri tecee. Iyyeenimihii, «Kulli num isi baaxo kee isi magaala siinik yaduuray» 'yaanam iyyen.

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

2 Samuwel 20:1

Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

2 Samuwel 19:8

Toh kaak iyye waqdi, Malik Dawud ugutta 'yeh magaalah afa fan gexeh tokkel daffee. «Malik magaalah afal daffeyak yen» 'yaanam yoobben waqdi, kay qaskar kaal temeeteeh, maraasiyot kaa hayte. Oson tohut yanin waqdi, Israayil mari yakkeemik mariiy isi buxah keenik kudeh yen.

2 Samuwel 18:7

Dawud-mari Israayil-marak qeebih yayseh. Kaxxa nasri keenil geen. Woo ayroh addal labaatanna alfih num keenik rabe.

Ermiyaas 7:12

Siilo deqsita aracal, duma yi qibaadah bicseenih sugen aracal baahem gexay wagita. Too aracal tonnah tanim akah baahem, Israayil maray yi marah yanihiyya baahe dambih sabbata.

1 Samuwel 3:11

YALLI kaak iyyeemih, «Israayil ummattal, ayrok teena kaxxam umaamay sahda taabbu wayta waqdi akak wariggittu waytahiyya baaheyyo.