1 Samuwel 27:1 - NABUWWA KEE MALIKWA

¹ Dawud isi bagul, «Ta xayyu kinni ayro maaxiga'mmay, Saawul ayrok teena yoo qide'kal maraaqa. Hay tohuk maca abam meqe? Filistiin rasu fan gexaama. Tokke gexem yoobbek, Israayil baaxol yoo gorrisaamak raaqele. Tohuk wadir yoo elle qida'nna mageya» 'yaanam isi bagul yucsube.

1 Samuwel 27:1 Referans Kwoze

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?

1 Samuwel 23:17

Yi abba tu kol mabaahak, mameysitin. Yi abba Israayil-malik takku waytam koo kinnim yeexegeeh, anu reedah ku gubal gacu waam yismiteh yanik» kaak iyye.

1 Samuwel 29:2

Filistiin malikwa kee ken mari bool-bool kee alfi-alfih gacca 'yeenih fooren. Dawud kee kay maraay keenik salafat Malik-Aakis lih gexen.

1 Samuwel 25:30

YALLI koh abeyyo iyyeh xagana koh akah culem koh abu waah, Israayilik malik koo abu waa saaku,

1 Samuwel 22:5

Ayrok teena Nabi Gaad Dawudul yemeeteeh kaak iyyeemih, «A aracay amô-reebu lel mambooroqinay, Yuudâ rasu fan gex» kaak iyye. Too waqdi Dawud Ceret deqsitta garbo fanah gexe.

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 26:19

Malikow, axcem yok oobbey. Yi amot koo haytem YALLA tekkek, kaah sadgat abnay nek oggolay. Hinna'mmay sahda koo edde asissam tekkek, too maral YALLIH abaaro obtay. Ta mari YALLI doore baaxok yoo yeyyeeqeeh marin baaxoy Yallih aftok gabak bicsen duyye uqbud yok elle iyyaanal yoo heen.

1 Samuwel 29:3

Filistiin qaskarih abbobti Dawud kee kay qaskar tuble waqdi, «Sugay, a saaku a Qibraan-mari akkel abam macaa?» iyyen. Too waqdi Aakis keenik iyyemii, «A num mataaxigaana? Aham Saawul qaskarak abbah yen Dawudu. Away yi fanah yemeeteemih waqla leh immay, aham fanah umaaneh kaat geem mayyu» iyye.

1 Samuwel 20:3

Too waqdi Dawud kaak iyyemii, «Ku abba atu yoo kicintom yaaxigeeh, yok abu waam koh mawarisa. Macaay intek, yoo qidam faxam koh warsek, kaxxam yoh qaadettom kok yaaxigeh. Tonna'mmay ku abba xayi wakti yoo qideleemih, YALLAY waarahiyyah migaaqal xiibita» iyye.

1 Malikwa 12:26

Too waqdi isi bagul yucsubeemih, «Away tu elle tani'nnak yi mari Yarusalaam fan gexeeh, wokkel Qibaadâ-Qaril YALLIH migaaqal sadgat aben ken tekkek, malik Racabqam mara akkeloonuuh, tonnal yoo qidelon» 'yaanam yucsube.

1 Malikwa 12:28

Toh cisaabisak suggu 'yeh sinaamal fayu essereeh; sarrak dahabak namma daheltih ceelo bicse. Tohuk lakal isi marak iyyeemih, «Akkeek, Yarusalaam magaala fan gexxaanam xexxaarah duuduntam hinnak, ahaysa Masrik sin yeyyeeqe sin Dagelti ah kaana; akkel yaniih, wokke akah taqabtaanam manton» keenik iyye.

1 Malikwa 19:3

Eliyyas meysiteeh rooci megloh yoowweh. Is lih taamat yan num luk, Yuudâ-baaxol tan Bersabaq fan gexe. Taamat kaah yen num wokkel cabba heeh,

2 Aydaad 25:17

Ayrok teena malik Amaxya kee kaah fayu yecee marak titta geyya heenih, Israayil malikil malsen. Abeenih yanim malahaa, too malikih farmo ruubeeniih, «Qeebih yoo duude tellek, bical gacay» axcuk qeebih kaa niyaataanam kaah warsen. Israayil malikik migaq Yahoqasak ten. Kay abba Yowaahad deqsitak yen. Kay kaxxa abba Yaahu deqsitak yen.