1 Samuwel 26:11 - NABUWWA KEE MALIKWA

¹¹ YALLI isih malik abe num qidaamak yoo waaseh. Leeh afleyta kee macaxu kaak luk genxay» iyye.

1 Samuwel 26:11 Referans Kwoze

1 Samuwel 24:6

isi marak iyyeemih, «Yi amoytay YALLI malik abehiyyal umam baahaamak YALLI yoo catay. YALLI doore malik kinnimih sabbatah, dagoohim-baxa kinni way kaal baahe waam faxxinta» iyye.

1 Samuwel 24:12

Koo kee yok qellatat yan num YALLI yabalay. Dagooh nabam kol baahe weemih sabbatah, atu yol bahtah taniimih YALLI koo digaalele'mmay, anu innih koo maxaga.

2 Samuwel 1:14

Dawud qagseh kaak iyyeemih, «Hay meqek, atu YALLI doore malik elle qiddu tilliilem manna?» kaak iyye. Sarra Dawud, «Abte umaane kol tuduureh, isih abte umaaneh isih warisseeh, YALLI doore malik, ‹Anu qide› 'yaanam inte» kaak iyye. Too waqdi isi marih numuh secca 'yeh, «A awka qid!» iyye. Woo num kaa yootokeeh awki edde rabe.

1 Samuwel 24:4

Too waqdi Dawud mari iyyeemih, «Ta ayro YALLI, ‹Faxxem akak abittuh, ku naqaboyta ku gabal heeyyo› 'yaanam kok akak iyye ayrok tanih tan» iyyen. Sarrak Dawud sasot amma 'yeh Saawul culsah edde yan kameesik exxâ-baxa yirgiqe.

1 Samuwel 12:3

A tableenim yooy; qellat celtaamak tu siinil baaheh sugek, YALLA kee YALLI doore malikih garil yol haysita. Awur akkiiy danan akki akak bee num yenek, hinnay kaadu, ayrise kee hinnay edde xukkuteh suge num yenek, hinnay kaadu, guqul akak bee num yeneeh, tahak tuk teena elle baahe num yenek, yot haysitay kaah mekleyyok» iyye.

2 Samuwel 19:22

Dawud, Abiisay kee kay saqalah yan Yowabak iyyemii, «Xaruyâ-xayloy, ah sin wagitta qaada hinna. Isin umaanet yoo culussaanam maay faxxan? Away Israayil-malik yoo kinniimih sabbatah, a saaku Israayil-marak numul rabi cokmi magaca» iyye.