1 Samuwel 25:2 - NABUWWA KEE MALIKWA

^2-3 Kaalib deqsita gulubuh yooboke numuy migaaqah Nabal deqsitahiyya yen. Too num gaddalih yan numuk teneeh, wadarak alfi takkem luk yeneeh, sidiica alfi yakke illi luk yen. Dabqi kaak Maqonul sugeeh, Karmel deqsita aracal baaxo luk yen. Kay barra migaaqah Abiigal deqsitak ten. Is qax-maqaane kee bagi-cubbi le barrak ten. Tet baqalah tu gactek, cillaale kee qaduwwi luk yen. Ayrok teena Nabal isi illik xagor kalak suge.

1 Samuwel 25:2 Referans Kwoze

1 Samuwel 23:24

Sarrak too mari Saawuluk naharat Diif fan gexe. Too saaku Dawud kee kay mara Maqon deqsita bacariy Yasimon deqsita aracak gabbi-qaxat raaqahiyyal yenen.

Yoosuwa 15:55

Tohuk kalah kaadu Maqon kee Karmel kee Diif kee Yutta kee

2 Samuwel 19:32

Bardillay kaxxam bar naba numuk teneeh bacra-tabanih sanat luk suge. Kaadu kaxxa gaddalik teneeh, malik Macanaayim rasul yen saaku maaqo kaah baahak suge.

1 Samuwel 30:5

Dawuduk namma barray migaaqah Acinooqam kee Abiigal deqsittahiyya been marat seewah beenih sugen.

1 Samuwel 15:12

Maaci maacise waqdi ugutta 'yeh Saawul goranah gexe. Sarrak Samuwelik, «Saawul Karmel fan gexe» 'yaanam iyyen. «Usuk wokkel kaa elle kassitan isi ceelo bicsiise. Sarrak Gilgal fan gexe» kaak iyyen.