1 Samuwel 23:4 - NABUWWA KEE MALIKWA

⁴ Too waqdi Dawud kaadu qagseh YALLAL fayu essere. YALLI kaadu qagseh, «Gexay Kaqiilâ-mara wad; Filistiin marak anu koo aysiiseyyok» kaak iyye.

1 Samuwel 23:4 Referans Kwoze

Makaabon 7:7

Too waqdi YALLI Gidqoonuk iyyeemih, «A sidiica boolih numuy lee gabah kumusak aaqabuk sugeenihiyyah gabat, Miidiyan marak sin aysiiseyyok, raqqa 'ye marak inkih buxah uduura inxic» iyye.

Yoosuwa 8:7

Too waqdi isin edde tombooqoren aracak eweqqa 'teenih Qaay magaala abbixetton. YALLAY sin Dageltah yanihiyya a magaala siinih aceele.

2 Malikwa 3:18

Eliisaq toh lih kaadu keenik iyyemii, «YALLAL ahamih abto kaxxam hinnaay, kalah kaadu Mooyab marak qeebil sin aysiisele.

2 Samuwel 5:19

Dawud YALLAK fayu essereeh, «YALLAW, Filistiin-marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih, «Yeeyik, keenik koo aysiiseyyok, gexay qeebi keenit ab» 'yaanam kaal gacse.

1 Samuwel 28:6

Too waqdi, «YALLAW, maca aboo?» axcuk, YALLAL fayu essere. YALLI tu kaal magacisinna. Soonol kaal gacsem maliiy, hinnay kaadu, *Urim kee Tummim kabuk kaal gacsem maliiy, nabuwwâ kabuk kaal gacsem mali.

Makaabon 6:39

Tohuk lakal Gidqoon Yallak iyyeemih, «Dagooh gide yaabat qagitu waak, Yallaw, yoo isi naqabuk yoo cat. Inki adda dagoorul kaadu gabbatu waak, away kaadu xagor kafisaay baaxo uynannos» iyye.

1 Samuwel 10:22

YALLAK, «YALLAW, uxih raaqe num maay yan?» iyyen. YALLI, «Saawul woh kaana. Woo buulok darret tombooqoreh tanim kaa» keenik iyye.

1 Samuwel 23:2

YALLA essereeh, «YALLAW, gexeh a marat qeebi maay aboo?» iyye. YALLI, «Gexay qeebi keenit abaay, Kaqiilâ-magaalah mara wad» kaak iyye.

1 Samuwel 23:3

Dawud mari, «A elle nan Yuudâ rasul elle abnah nan meysi nee xiqtak, taway kaadu Filistiin qaskar elle tan baaxo maca nee beyta? Wonni mankeh nee baahu waah yan?» iyyen.

1 Samuwel 23:5

Tonnalaa, Dawud kee kay mara Kaqiila fan gexxeeh, Filistiin marat qeebi aben. Filistiinik mango mara qideeniih saq kaadu keenik buubeenih, Kaqiilal yan magaalah mara tonnal waden.

1 Samuwel 30:8

Sarrak Dawud YALLA essereemih, «A gaadileh lakat maay gexo? Gexek ken abbixeyyo'nnaa?» iyye. YALLI kaal gacsemii, «Lakat keenik gex. Ken abbixettooh seewah been mara catettok» kaak iyye.

2 Samuwel 2:1

Waqlak wadir Dawud YALLAK, «YALLAW, Yuudâ-rasul tan magaaloolik tiyak teena fan maay gexo?» iyye. YALLI, «Gexay daffey» kaak iyye. Dawud, «Anni magaala fan gexo?» iyye. YALLI «Cebron-magaala fan gex» kaak iyye.

Makaabon 7:9

Too bar YALLI Gidqoonuk, «Ugutaay gexay qeebi keenit abay; elle yanin arac keenik ibbix. Anu keenik koo aysiiseyyok» kaak iyye.

1 Aydaad 14:10

Dawud Yallal fayu essereeh iyyemii, «Yi Dageltaw, Filistiin marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih «Yeeyik, keenik koo aysiiseyyok, gexay qeebi keenit ab» 'yaanam kaal gacse.