1 Samuwel 22:8 - NABUWWA KEE MALIKWA

⁸ Titta yol akah geyteenim, tohih akkal maay kinni? Sammok xale baxi, Yiisâ-baxih qaxa yok gacam tubleenih, num siinik yoh mawarsinna. Yiisâ-baxay yi marak numuk teenah yanihiyya a saaku yi qidimih raarisiyyat yoh yanim abalihiiy, sammok xale baxi yi amot kaa heem abalih, tahat maqal haysite num siinit mayanaay yoh warse num siinit mayan» iyye.

1 Samuwel 22:8 Referans Kwoze

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.

1 Samuwel 23:21

Saawul keenik iyyeemih, «Yoh abteenimih YALLI barkat siinit haay!

1 Samuwel 20:42

Yonaatan Dawuduk annah iyye, «Amaan ko'lih yanay. Yoo kee koo kee nek rade marii, nanu abne Yalla-kee-xagana bayse waa mara YALLI ken abay nee abay» iyye. Tohuk lakal Dawud gexeeh, Yonaatan magaala fanah yuduure.

1 Samuwel 20:8

Ku maganah yi taagah tamaham ugdubba haay, yoh culte Yalla-kee-xagana mamakin. Qellat yot tublek, ku abba fan yoo mabenay, isih yoo qiddisit» kaak iyye.

1 Samuwel 20:2

Yonaatan kaak iyyeemih, «Aleey! Koo qiddam matan. Yi abba qunxa caagid takku, kaxxa caagid takku, yok yaaqurem mali. Koo qidam faxaamal yok aaqaruk mananna. Koo akah qidam mali» kaak iyye.

1 Samuwel 22:13

«Hay toobbek, koo kee Yiisâ-baxi yi umaanel akah malisseenim maca? Kaah maaqo kee seef akah teceem macaa? Yallal fayu kaah akah essertem macaa? Usuk a saaku naqboyta yok yekkeeh, yi qidimih raarot yoh yanik» iyye.

1 Samuwel 18:1

Saawul Dawud lih abak suge yaabak gaba kalla hee waqdi, Saawul-baxay Yonaatan migaq luk yenehiyya Dawud kaxxam yossokoote. Isi nabsih kacanuh luk yen inna, kaah yesselle.

2 Malikwa 6:11

Suuriyah-malik tah yoobbe waqdi, kaxxam yinqibeeh qaskar-abbobtih inkih secca 'yeh annah iyye, «Siinik Israayil-malikih-qaxat tanim miyyaay?» iyye.